Ինչ է կատարվում Ինգուշեթիայում. բումերանգի կանոնը

Ինգուշեթիայում շաբաթ օրը՝ մարտի 2-ի երեկոյան, անհայտ անձինք փոխհրաձգության մեջ են մտել ոստիկանության հետ։ Ազգային հակաահաբեկչական կոմիտեն հայտնել է, որ Կարաբուլակ քաղաքի իրավապահները մարտի են բռնվել «ահաբեկչական հանցագործություններ ծրագրող մի խումբ զինյալների հետ»։ Դեպքի վայրից տեսագրությունում լսվել են մեկ պայթյունների և ավտոմատների կրակոցների ձայներ, այնուհետև արկը թռել է բնակելի շենքի մեջ, իսկ կադրերում ֆիքսվել է պայթյուն, հաղորդում է Kavkaz.Realii-ն։

«Ռոզիսկ Ինգուշեթիա» Telegram հեռուստաալիքի հաղորդման համաձայն, ԱԴԾ-ի հատուկ ջոկատայինները Օսկանովա փողոցում գտնվող բնակելի շենքում արգելափակել են զինված մարդկանց, ովքեր մարտի են բռնվել ուժայինների հետ։ Կարաբուլակում մարտի 2-ին Մոսկվայի ժամանակով ժամը 19.30-ից գործում է հակաահաբեկչական գործողության (ՀԱԳ) ռեժիմ։ Գործողության տարածքը սահմանափակված է չորս փողոցներով՝ Ռաբոչայա, Օսկանովա, Նաբերեժնայա և Ջաբագիևա։

Ըստ տեղեկությունների՝ մարտի 3-ի առավոտյան անվտանգության ուժերն ավարտել են «տեսչական գործողությունները բազմաբնակարան շենքում, որտեղ թաքնվել են «Իսլամական պետություն» միջազգային ահաբեկչական կազմակերպության անդամները։ Նախնական տվյալներով՝ հայտնաբերվել է 6 զինյալի դի։ ՏԱՍՍ գործակալության փոխանցմամբ՝ քաղաքում ՀԱԳ ռեժիմը շարունակում է գործել։