Կոստանյան. Հայաստանի Սահմանադրության հարցը խաղաղության պայմանագրի կետ չէ
- 13:14 07.11.2024
Հայաստանն ու Ադրբեջանը դեռ չեն համաձայնեցրել խաղաղության պայմանագրի տեքստը, լրագրողներին ասաց Հայաստանի փոխարտգործնախարար Վահան Կոստանյանը։
«Այս պահին համաձայնագրի բոլոր կետերի վերաբերյալ վերջնական համաձայնություն չկա»,- ասաց Կոստանյանը։
Չհամաձայնեցված կետերի շուրջ բանակցությունները դեռ շարունակվում են։ Միևնույն ժամանակ, Հայաստանի Սահմանադրության հարցը խաղաղության պայմանագրի կետ չէ։
Նա նշել է, որ նախորդ անգամ Հայաստանը 16 կետից բաղկացած փաթեթ է փոխանցել Ադրբեջանին։
Ներկայումս, ըստ նրա, ԱԳ նախարարի կամ պետությունների ղեկավարների հանդիպման վերաբերյալ կոնկրետ պայմանավորվածություններ չկան։ Բայց հայկական կողմը շահագրգռված է ինտենսիվացնել հանդիպումները՝ համաձայնագրի կետերի շուրջ պայմանավորվածությունը շուտափույթ ավարտին հասցնելու համար։
Կոստանյանը նշել է, որ Բաքվում կայանալիք COP29 գագաթնաժողովին մեկնելու վերաբերյալ որոշում չկա։
Նոյեմբերի 5-ին Հայաստանի արտգործնախարարությունը հայտնել էր, որ Երեւանը խաղաղության պայմանագրի նոր առաջարկներ է ստացել Ադրբեջանից։