Դավիթ Մելքումյանը խոստացավ պատմել Եվլախի բանակցությունների մասին
- 19:20 20.03.2025
«Իրենց կողմից առաջարկներն շատ էին ու բազմազան, բայց որոշում կայացնողը Արցախի ժողովուրդն էր։ Արցախի ժողովուրդը որոշում կայացրեց, որ մենք չենք ուզում ապրել ադրբեջանցիների հետ»,- այսօր լրագրողների հետ ճեպազրույցում ասաց Արցախի Ազգային ժողովի պատգամավոր Դավիթ Մելքումյանը՝ անդրադառանալով հարցին, թե ի՞նչ էին բանակցում ադրբեջանցիների հետ Արցախի հայաթափումից առաջ:
Հարցին, թե ի՞նչ կետեր էին առաջարկում ադրբեջանցիներն արցախցիներին, Մելքումյանը պատասխանեց․ «Այնքան շատ էին, որ ես այդ մասին մեկ ժամ պետք է խոսեմ։ Ամենայն հավանականությամբ այս շաբաթվա վերջին ասուլիս կտամ բոլորի համար, մանրամասն կխոսենք»։
Հիշեցնենք, որ 2023 թվակաի սեպտեմբերի 21-ին Եվլախում կայացած հանդիպմանը հայկական կողմից մասնակցում էր Դավիթ Մելքումյանը։ Նա այսօր ասաց, որ առաջիկա օրերին մանրամասներ կներկայացնի, թե ինչ է բանակցվել այդ օրերին։