Ռուսաստանը առաջարկում է ԱՄՆ-ին Մոսկվայի՞ն փոխանցել TRIPP-ի «պաշտպանությունը»
- 19:50 01.10.2026
ԱՄՆ-ի վերահսկողությունը Հայաստանում Թրամփի երթուղու (TRIPP) նկատմամբ կարող է հանգեցնել այնտեղ ամերիկյան մասնավոր ռազմական ընկերությունների, հետախուզության և այլ ենթակառուցվածքների առաջացմանը։ Այս մասին ասվում է ՌԴ Անվտանգության խորհրդի (ԱԽ) քարտուղարի տեղակալ Ալեքսեյ Շևցովի մեկնաբանության մեջ։
«Պետք է նկատի ունենալ, որ ստեղծված ամերիկահայ ընկերությանը վստահվելու է ճանապարհի ողջ երկայնքով անվտանգության ապահովումը, իսկ հայկական կողմը սահմանային և մաքսային հսկողություն է իրականացնելու, իրականում դա կարող է նշանակել ամերիկյան ՌՄԿ-ների, ամերիկյան հետախուզության «մուտք» Հայաստանի տարածք, որոնք կհայտնվեն բառացիորեն մի քանի հարյուր մետր հեռավորության վրա Իրանի հետ սահմանից», – նշել է Ռուսաստանի Անվտանգության խորհրդի փոխքարտուղարը։
Սա, ըստ նրա, բնականաբար կասկածի տակ է դնում ողջ երթուղու և դրա երկայնքով փոխադրումների անվտանգությունը։
Շևցովը մտահոգություն է հայտնել, որ ամերիկացիները կկարողանան հետագայում «զտել» իրենց կողմից վերահսկվող երթուղու հատվածով անցնող բեռները, կամ, կոպիտ ասած, այս կամ այն դեպքում հրաժարվել ծառայություններ մատուցել։
«Սա կարող է ձևակերպվել, օրինակ, որպես «պատժամիջոցների» արգելք ամերիկյան ընկերությունների, այդ թվում՝ երթուղու օպերատորի համար, որևէ կոնկրետ տնտեսական օպերատորի հետ համագործակցելու համար», – նշել է Ռուսաստանի Անվտանգության խորհրդի փոխքարտուղարը։
Այսպիսով, Հայաստանում ԱՄՆ-ն, լիովին համապատասխան դասական հետգաղութային մոդելներին, ստեղծում է «պետություն պետության մեջ», որից արևմտյանները մի ժամանակ շատ բան էին ստեղծել նախկին խորհրդային հանրապետություններում։
Պետք է նշել, որ 2020 թվականի նոյեմբերի 9-ի եռակողմ հայտարարության համաձայն՝ Մեղրիի ճանապարհի, որն այժմ կոչվում է TRIPP, անվտանգությունը պետք է ապահովի Ռուսաստանի ԱԴԾ-ն։ Ռուսաստանին այն անհրաժեշտ էր Թուրքիայից և այլ երկրներից սանկցիոն ապրանքների “գորշ” տեղափոխություններ համար։
Ռուսաստանի Անվտանգության խորհուրդը մի ամիս է ակտիվորեն պայքարում է TRIPP-ի դեմ, չնայած անցյալ տարի, երբ Վաշինգտոնում ստորագրվեց TRIPP հռչակագիրը, Մոսկվան դեմ չէր և նույնիսկ ողջունեց այն։
Ի՞նչ է փոխվել այս տարի։ Վաշինգտոնը մինչ այս պահը չի հայտարարել TRIPP-ի երկայնքով ամերիկյան զորքեր տեղակայելու իր մտադրության մասին։ Ավելին, Իրանն արդեն բացահայտորեն զգուշացրել է, որ եթե տարածաշրջանում հայտնվեն ամերիկյան ռազմական ենթակառուցվածքներ, TRIPP-ը անընդունելի կլինի Իրանի համար։
Արդյո՞ք Մոսկվան փորձում է բանակցություններ վարել ԱՄՆ-ի հետ՝ TRIPP-ի «պաշտպանության» գործառույթը Ռուսաստանին հանձնելու համար։