Իրանը ՌԴ-ին տեղեկացրել է միջուկային նյութերը Իրանում պահելու որոշման մասին
- 14:17 11.11.2026
Թեհրանը Մոսկվային տեղեկացրել է, որ հարստացված միջուկային նյութերը կմնան Իրանում և կօգտագործվեն բացառապես Իրանի կողմից, «Ալ Մայադին» հեռուստաընկերությանը տված հարցազրույցում ասել է Իրանի Գերագույն ազգային անվտանգության խորհրդի քարտուղար Մոհսեն Ռեզաին։
«Մենք մեր ռուս ընկերներին տեղեկացրել ենք, որ հարստացված նյութերը կմնան Իրանում, և մենք դրանք կօգտագործենք ինքներս», – Ռեզայիի խոսքերն է մեջբերել հեռուստաալիքը։
Խորհրդի ղեկավարը ընդգծել է, որ Թեհրանը չի մտադիրվում հարստացված միջուկային նյութերի նույնիսկ փոքր մասը արտահանել երկրից դուրս։
«Մենք հարստացված միջուկային նյութերի ոչ մի ատոմ չենք հանի Իրանից», – ասել է Ռեզաին։
Ռեզայիի հայտարարությունից կարելի է ենթադրել, որ Ռուսաստանը, ԱՄՆ-ի «խորհրդով», առաջարկել է Իրանին միջուկային նյութերը «պահպանման համար» փոխանցել Մոսկվային, որպեսզի ԱՄՆ-ն կարողանա հաշտություն կնքել Իրանի հետ՝ ԱՄՆ-ի համար «հաղթական» արդյունքով։
Իրանի մերժումը նշանակում է, որ Ռուսաստանը մնում է Իրանի նույն «անբարեխիղճ դաշնակիցը»։ Եվ որոշ քարոզչական շրջանակների կողմից Իրանին որպես Ռուսաստանի դաշնակից ներկայացնելու փորձերը մաքուր բլեֆ են։
Իրանի կողմից Մոսկվա միջուկային նյութեր ուղարկելու մերժումը հաջորդեց Իրանի փոխնախագահի՝ Երևան կատարած այցին, որը հայտարարեց, որ հայ-իրանական սահմանի փակումը TRIPP-ի պատրվակով անընդունելի է։ Կան ենթադրություններ, որ վերջերս Մոսկվա այցելած և Պուտինի հետ հանդիպած Ռեզաին երաշխիքներ է ստացել, որ Ռուսաստանը թույլ չի տա հայ-իրանական սահմանի փակումը։
Իրանի փոխնախագահի՝ Երևան կատարած այցից հետո, ըստ երևույթին, պարզ դարձավ, որ Ռուսաստանի երաշխիքները անարդյունավետ են, և ԱՄՆ-ն չի նահանջի հայ-իրանական սահմանը փակելու և Հայաստանը լիակատար շրջափակելու իր ծրագրից։ Ի պատասխան՝ Իրանը հրաժարվեց Ռուսաստանի հետ միջուկային համագործակցությունից։