ՌԴ նախագահ Վլադիմիր Պուտինը դեմ առ դեմ մտքեր է փոխանակել Հայաստանի և Ադրբեջանի ղեկավարների հետ, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Լրագրողների հարցին, թե քննարկվե՞լ է այսպես կոչված «Զանգեզուրի միջանցքի» թեման, նա պատասխանեց, որ այդ թեման էլ են շոշափել։
«8.18 Քոնսալթինգի» թիմը ՀԲԸՄ «Սովորի՛ր և վաստակի՛ր․ Արցախ» ծրագրի շրջանակներում մեկնարկում է նախագիծ, որը կօգնի արցախցիներին աշխատաշուկայում անհրաժեշտ հմտություններ զարգացնել, աշխատանք գտնել եւ նոր կապեր հաստատել։
Նպատակն է աջակցել Արցախից բռնի տեղահանված անձանց՝ բարձրացնելու իրենց մրցունակությունը Հայաստանի աշխատաշուկայում։
Ո՞ւմ համար է այս ծրագիրը. Արցախից տեղահանվածների, ովքեր փնտրում են աշխատանք և աշխատաշուկայում բախվել են խնդիրների, կարիք ունեն զարգացնելու իրենց հմտությունները մրցունակ լինելու համար։
Ինչպե՞ս մասնակցել ծրագրին. Ծրագրին մասնակցելու համար անհրաժեշտ է նախապես գրանցվել՝ տրամադրելով տեղեկատվություն ձեր մասին։ Պետք է անցնել հղումով և լրացնել մասնակցության հայտը՝ https://forms.gle/sSZeeN6cgVEZymtV6 ։
Դասընթացների արդյունքում բռնի տեղահանված արցախցիները ձեռք կբերեն անհրաժեշտ ոչ մասնագիտական հմտություններ, որոնք կօգնեն նրանց աշխատաշուկայում: Հնարավորություն կստանան հիմք ստեղծել իրենց կարիերայի զարգացման համար եւ ստանալ կարիերայի ուղղորդում:
Ծրագիրը մեկնարկում է հոկտեմբերի 8-ին եւ շարունակվելու է մինչեւ դեկտեմբերի 6-ը։
«8.18 Քոնսալթինգ» խորհրդատվական ընկերության ղեկավար Նանա Հովհաննիսյանը step1.am-ի հետ զրույցում ասաց, որ փորձելու են դասընթացի մասնակիցներին օգնել, որպեսզի աշխատանք գտնեն։ «Հիմա ծրագիրն այնպես ենք կառուցում, նաեւ մարդկանց ընտրությունն այնպես ենք անում, որպեսզի հետագայում աշխատանքի հարցը լուծվի։
Մենք 150 մարդ ենք նախատեսում ծրագրի շահառու դարձնել եւ նախատեսում ենք նրանց բոլորին օգնել աշխատանք գտնել։ Իհարկե, պաշտոնապես այդպիսի խոստում չենք կարող տալ, որովհետեւ ամեն ինչ չէ, որ մեզանից է կախված»,- ասաց նա։
Նանա Հովհաննիսյանն ասաց, որ մարդկանց փորձելու են աշխատանքի տեղավորել տարբեր ոլորտներում։ Տարիքային շեմ չկա, ցանկացած չափահաս անձ կարող է դիմել՝ ծրագրի շահառու դառնալու համար։
«Պահանջարկը մեծ է, այս պահին մենք արդեն 230 հայտ ունենք, մոտ 150 շահառու պետք է ընտրենք։ Ծրագրի շահառու չեն կարող դառնալ այն անձինք, ովքեր նախկինում նմանօրինակ ծրագրերի մասնակցել են»,- հավելեց նա։
Ռոզա Հովհաննիսյան
Ժողովրդավարության զարգացման հիմնադրամը (ԺԶՀ), Freedom House իրավապաշտպան կազմակերպությունը և International Partnership for Human Rights-ը հոկտեմբերի 7-ին Վարշավայում՝ ԵԱՀԿ մարդու իրավունքների ամենամյա համաժողովի շրջանակում, կազմակերպել էին հատուկ միջոցառում, որի ընթացքում միջազգային համայնքին են ներկայացրել Լեռնային Ղարաբաղի քաղաքացիական բնակչության դեմ Ադրբեջանի գործած հանցագործությունների ապացույցները։
ԵԱՀԿ համաժողովին մասնակցող պետությունների պատվիրակություններին, միջազգային իրավապաշտպան կազմակերպություններին ներկայացվել է Ժողովրդավարության զարգացման հիմնադրամի, Freedom House-ի, International Partnership for Human Rights-ի, Հելսինկյան քաղաքացիական ասամբլեայի Վանաձորի գրասենյակի, Իրավունքի զարգացման և պաշտպանության հիմնադրամի, «Իրավունքների պաշտպանություն առանց սահմանների» և Truth Hounds կազմակերպությունների կողմից ավելի վաղ իրականացված փաստահավաք առաքելության արդյունքները։ Առաքելությունը համապարփակ փաստագրել է Լեռնային Ղարաբաղի էթնիկ հայ բնակչության վիճակը 2020 թ․-ի 44-օրյա պատերազմից մինչև 2023 թ․-ի սեպտեմբերի տեղահանումը։
Փաստահավաք առաքելության արդյունքներով պատրաստված «Ինչո՞ւ Լեռնային Ղարաբաղում հայեր չկան» զեկույցը, որի հիմնական եզրահանգումները նեկայացվել են Վարշավայի միջոցառմանը, փաստում են՝ Ադրբեջանը միտումնավոր և հաշվարկված գործողությունների միջոցով ենթարկել է Լեռնային Ղարաբաղի հայ բնակչությանը բռնի տեղահանման և էթնիկ զտման: Փաստահավաք առաքելության ընթացքում ավելի քան 300 վկաների հետ անցկացված հարցազրույցները և բաց աղբյուրներում առկա տվյալների վերլուծությունը թույլ է տվել եզրակացնել, որ Ադրբեջանի գործողությունները հանդիսանում են հանցագործություններ համաձայն Միջազգային քրեական դատարանի Հռոմի կանոնադրության, և համապատասխանում են բնակչության բռնի տեղահանման սահմանմանը, ինչպես նաև նախկին Հարավսլավիայի հակամարտության համատեքստում ՄԱԿ-ի փորձագետների կողմից սահմանված էթնիկ զտումների չափանիշներին։
Միջոցառմանը հայաստանյան և միջազգային իրավապաշտպան կազմակերպությունների ներկայացուցիչները ելույթներում անդրադարձել են Լեռնային Ղարաբաղի հայերի իրավունքների տարատեսակ խախտումներին, ինչպես նաև բարձրաձայնել Լեռնային Ղարաբաղի տարածքում հայկական մշակութային ժառանգության և ներկայության հետքերը վերացնելու Ադրբեջանի քաղաքականության և գործողությունների մասին։
ԵԱՀԿ մարդու իրավունքների համաժողովն ամենամյա հեղինակավոր միջոցառում է, որը կարևոր հարթակ է ԵԱՀԿ տարածքում մարդու իրավունքների իրավիճակի մասին քննարկումների համար։ Վարշավայում կազմակերպված այս միջոցառումը հերթական հնարավորությունն էր հայաստանյան քաղաքացիական հասարակության համար ներկայացնելու Լեռնային Ղարաբաղի հայության իրավունքների խախտման և տեղահանման մասին իրականացված միջազգային փաստահավաք առաքելության արդյունքները։ Որպես այս գործընթացի մաս՝ մինչ այդ ԺԶՀ-ն և գործընկեր կազմակերպությունները «Ինչո՞ւ Լեռնային Ղարաբաղում հայեր չկան» զեկույցի արդյունքները ներկայացրել էին ԱՄՆ պետական մարմիններում և ՄԱԿ-ի մարդու իրավունքների կառույցներում։
2024 թվականի նոյեմբերին Ադրբեջանում կայանալիք ՄԱԿ-ի Կլիմայի փոփոխության համաժողովին (COP29) ընդառաջ աշխարհի տարբեր երկրներում մեկնարկել են ակցիաներ Ադրբեջանում ապօրինաբար պահվող հայ ռազմագերիների և պատանդների անհապաղ ազատ արձակման պահանջով։
Արձագանքելով այդ ակցիաներին` սույն թվականի հոկտեմբերի 11-ին՝ ժամը 11:00-ին, նախատեսում ենք ակցիաներ իրականացնել ՄԱԿ-ի հայաստանյան գրասենյակի, ՀՀ ԱԳՆ, ՀՀ-ում Ռուսաստանի Դաշնության, Ֆրանսիական Հանրապետության և Ամերիկայի Միացյալ Նահանգների դեսպանատների առաջ, որոնց ընթացքում նույն պահանջով նամակներ են փոխանցվելու հասցեատերերին։
Նախաձեռնությանը միացել են ԱՀ մարդու իրավունքների պաշտոնաթող պաշտպաններ Յուրի Հայրապետյանը, Ռուբեն Մելիքյանը, Արտակ Բեգլարյանը, ինչպես նաև ՀՀ մարդու իրավունքների պաշտոնաթող պաշտպաններ Արման Թաթոյանը և Լարիսա Ալավերդյանը։
Մեկնարկը՝ ՄԱԿ-ի հայաստանյան գրասենյակից։
«Սրբազան Պայքար» շարժումը հայտարարություն է տարածել, որում նշվում է.
«Սիրելի՛ հայրենակիցներ, տեղեկացնում ենք, որ մեզ համար անհայտ մարդիկ Սրբազան Պայքարի առաջնորդ Բագրատ արքեպիսկոպոս Գալստանյանի անվամբ կրիպտոարժույթ են ստեղծել և զբաղվում են դրա վաճառքով՝ իբր թե ի աջակցության մեր պայքարի։
Հայտնում ենք, որ այդ կրիպտոարժույթի հետ որևէ առնչություն չունենք, չգիտենք ովքեր և ինչ նպատակով են իրականացնում դրա վաճառքը։
Հորդորում ենք զգույշ լինել համացանցում և Սրբազան Պայքարի նախաձեռնությունների մասին տեղեկություններ ստանալ բացառապես մեր պաշտոնական էջերից»։
Փոխվարչապետ Տիգրան Խաչատրյանն այսօր հյուրընկալել է Համաշխարհային բանկի (ՀԲ) Կովկասի տարածաշրջանային տնօրեն Ռոլանդ Փրայսին: Հանդիպմանը ներկա էր նաև ՀԲ հայաստանյան գրասենյակի տնօրեն Կարոլին Գեգինատը: Այս մասին NEWS.am-ին տեղեկացնում են Կառավարության մամուլի ծառայությունից:
Հանդիպման ընթացքում զրուցակիցներն անդրադարձ են կատարել Լեռնային Ղարաբաղից բռնի տեղահանված անձանց բնակարանային կարիքների հասցեագրման և զբաղվածության ապահովման ուղղությամբ Կառավարության կողմից իրականացվող աշխատանքներին:
Այս համատեքստում փոխվարչապետը կարևորել է Համաշխարհային բանկի և Ասիական զարգացման բանկի կողմից համատեղ մշակվող ծրագրի նախնական շրջանակը, որով նախատեսվում է ԼՂ-ից բռնի տեղահանված ընտանիքների բնակարանային ապահովության պետական աջակցության ծրագրի ֆինանսավորմանը զուգահեռ իրականացնել նաև բնակարանաշինության ոլորտի բարեփոխումներ: Պայմանավորվածություն է ձեռք բերվել շարունակել այս ուղղությամբ համագործակցությունը՝ ծրագրի շրջանակը առաջիկայում վերջնականացնելու նպատակով:
Կողմերը մտքեր են փոխանակել նաև ոռոգման և խմելու ջրի համակարգերի կառավարման ուղղությամբ հնարավոր համագործակցության, ընթացիկ ծրագրերի, ինչպես նաև երկկողմ համագործակցության այլ առաջնահերթությունների վերաբերյալ:
Ադրբեջանի նորընտիր խորհրդարանը կապեր չի հաստատի Ֆրանսիայի օրենսդիր մարմնի հետ, հայտնում է «Թուրան» գործակալությունը՝ վկայակոչելով Միլի մեջլիսում արտաքին հարցերով հանձնաժողովում ընդունված որոշումը։
Լրատվամիջոցի փոխանցմամբ, հաստատված նախագիծը չի նախատեսում Ֆրանսիայի խորհրդարանի հետ հարաբերությունների խմբի ստեղծում։
Նախորդ գումարման Միլի մեջլիսում ֆրանսիացի օրենսդիրների հետ համագործակցությունը դադարեցվել է «Փարիզի ապակառուցողական դիրքորոշման» պատճառով։
Միաժամանակ Ադրբեջանի խորհրդարանի պատգամավորները դիմել են երկրի արտաքին գործերի նախարար Ջեյհուն Բայրամովին՝ խնդրելով խզել համաձայնագրերը ԱՄՆ-ի հետ եւ դադարեցնել USAID նախագծերը։ Ինչպես տեղեկացրել է APA-ն, այս մասին Միլի մեջլիսի այսօրվա նիստում ասել է խորհրդարանի նախագահ Սահիբա Գաֆարովան։
«Ադրբեջանը երկիր է, որն իրականացնում է անկախ ներքին եւ արտաքին քաղաքականություն, իր ուժերով ապահովել է իր տարածքային ամբողջականությունը եւ ինքնիշխանությունը։ Հիշեցնեմ նախագահ Իլհամ Ալիեւի խոսքերը. ոչ ոք չի կարող մեզ որեւէ բան թելադրել եւ միջամտել մեր ներքին գործերին։ Մենք կանենք այն, ինչ անհրաժեշտ կհամարենք»,- ասել է Գաֆարովան։
Ստեփանակերտ, 44-օրյա պատերազմ, 2020թ
Հայաստանի և Ադրբեջանի միջև սահմանազատման հանձնաժողովների կանոնակարգը, որին սեպտեմբերի վերջին հավանություն է տվել Սահմանադրական դատարանը, ուղարկվել է Ազգային ժողով՝ վավերացման։
Ավելի վաղ հայտարարվել էր, որ այդ քննարկումների ընթացքում Կառավարության ներկայացուցիչը փոխվարչապետ, սահմանազատման հայկական հանձնաժողովի նախագահ Մհեր Գրիգորյանը կլինի:
Կանոնակարգը սահմանված ժամկետից երկու ամիս ուշ ստորագրվեց, տեքստը հրապարակվեց դրանից միայն երկու օր հետո: Գործադիրը պարզաբանեց, թե բովանդակության գաղտնազերծման ուշացումը կապված է նաև Ադրբեջանի հետ գործընթացը հնարավորինս սինխրոնացնելու անհրաժեշտության հետ:
Ըստ այս փաստաթղթի՝ Երևանն ու Բաքուն համաձայնել են սահմանազատումն իրականացնել 1991 թվականի Ալմա-Աթայի հռչակագրի վրա, բայց այդ համաձայնությունը վերջնական չէ։ Կանոնակարգում նշվում է՝ գործընթացը հնարավոր է հետագայում՝ խաղաղության համաձայնագրի ընդունումից հետո, այլ սկզբունքներով ընթանա։
Կանոնակարգը 7 հոդված ունի, հիմնականում գործընթացին վերաբերող տեխնիկակական տվյալներ են, ընդհանրական ձևակերպումներ։
Նշենք, որ Ադրբեջանում կանոնակարգի տեքստը չի հրապարակվել եւ այն որեւէ ընթացակարգ դեռ չի անցել:
«Հակամարտությունը կանանց աչքերով» ծրագիրը մեկնարկեց Հայաստանում՝ ի աջակցություն Լեռնային Ղարաբաղից տեղահանված կանանց։
Հոկտեմբերի 7-ին Հայաստանում տեղի ունեցավ «Հակամարտությունը կանանց աչքերով» ծրագրի մեկնարկային միջոցառումը, որը կազմակերպվել էր բրիտանական կառավարության Չիվնինգ կրթաթոշակային ծրագրի շրջանավարտների կողմից՝ Միացյալ Թագավորության դեսպանատան աջակցությամբ։ Ծրագրի նպատակն է աջակցել Լեռնային Ղարաբաղից բռնի տեղահանված կանանց՝ օգտագործելով բրիտանական բուհերում ուսանած մասնագետների փորձառությունն ու մասնագիտական ներուժը:
Միջոցառման առաջին հատվածում մի խումբ արցախցի կանայք կիսվեցին իրենց անձնական պատմություններով և ներկայիս իրավիճակով, ներկայացնելով, թե ինչպես են ստիպված եղել լքել իրենց տները և ինչ մարտահրավերների են բախվել։ Մասնակիցների խոսքը լի էր հուզականությամբ՝ արտացոլելով բռնի տեղահանության դժվարությունները և անհատական պայքարը:
Միջոցառման երկրորդ հատվածում բրիտանական բուհերի շրջանավարտ մասնագետները ներկայացրին իրենց իրականացրած ծրագրերը, որոնք ուղղված են աջակցելու տեղահանված կանանց: Նրանք խոսեցին այն ոլորտների մասին, որտեղ պատրաստ են օգնել, ինչպիսիք են՝ անձնական և տնտեսական հզորացմանը նպաստող ծրագրերի իրականացմանը, մասնագիտական հմտությունների ձևավորմանը և կրթական ծրագրերի աջակցությանը:
Նախաձեռնության կարևոր բաղադրիչներից է վեցամսյա մենթորությունը, որի ընթացքում մասնագետները կօգնեն կանանց ձևավորել կենսագրականներ, պատրաստվել հարցազրույցներին, նախաձեռնել սոցիալական ձեռներեցություն, մշակել ֆոնդհայթայթման նախագծեր, ինչպես նաև պատրաստել դիմումներ արտասահմանյան համալսարանների համար։ Բացի այդ, տրամադրվելու է հոգեբանական աջակցություն, որը կարող է զգալի դեր ունենալ՝ հաղթահարելու սթրեսը և վերականգնելու կյանքի հանդեպ վստահությունը:
Ծրագրի կազմակերպիչները կարևորեցին նաև կապերի հաստատումը Չիվնինգ կրթաթոշակառուների համայնքի և շրջանավարտների հետ, ինչը հնարավորություն կտա արցախցի կանանց օգտվել ազդեցիկ ցանցի հնարավորություններից։ Միջոցառման նպատակը ոչ միայն անմիջական աջակցության տրամադրումն է, այլև՝ երկարաժամկետ համագործակցության հաստատումը, որը կօգնի կանանց վերադառնալ իրենց մասնագիտական և անձնական կյանքին:
Այս նախաձեռնությունը կարևոր քայլ է աջակցելու այն կանանց, որոնք ստիպված են եղել հաղթահարել ծանր ժամանակներ, և այն ցույց է տալիս Միացյալ Թագավորության և Հայաստանի միջև գործընկերության նպատակը՝ նպաստել տեղահանվածների վերաինտեգրմանը։
Տաթև Ազիզյան
Պուտինի օգնական Ուշակովը, մեկնաբանելով Երևանի և Բաքվի միջև «խաղաղության պայմանագիր» ստորագրելու հնարավորությունը Մոսկվայի, այլ ոչ Արևմուտքի հովանու ներքո, ասաց, որ «Ռուսաստանն արել է ամբողջ սեւ գործը», ուստի տրամաբանական է, որ համաձայնագիրը պետք է ստորագրվի ըստ ռուսական սցենարի։
Ռուսաստանն իսկապես կատարել է ամբողջ «կեղտոտ» աշխատանքը 2020-2023 թվականներին. ապահովել է Հայաստանի պարտությունը և Բաքվի «հաղթանակը», Արցախի օկուպացումը, խաղաղ բնակչության տեղահանումը, իսկ այժմ Հայաստանին սպառնում է շրջափակմամբ՝ փակելով Հայաստանի սահմանները Իրանի հետ և ռուսականացնելով Վրաստանը։
Հայաստանի քաղաքական ուժերը ոչ միայն չեն խոսում Ռուսաստանի դերի մասին, այլեւ ձգտում են այնպես անել, որ միջազգային իշխանությունների եւ օտարերկրյա պետությունների գնահատականներում Ռուսաստանի հասցեին մեղադրանքներ չլինեն։ Հայաստանի կառավարությունը մեթոդաբար ապահովում է, որ արևմտյան «առաջարկները» 100%-ով արտացոլեն Հայաստանը մասնատելու և տարածաշրջանը կլանելու ռուս-թուրքական ծրագիրը։ Պրահայում և Բրյուսելում էր, որ Հայաստանի իշխանությունները սկսեցին խոսել խորհրդային սահմանների, Ալմա-Աթայի հռչակագրի և ռուսական այլ նարատիվների մասին։ Իսկ հիմա Պուտինն ու Լավրովը ակնարկում են արևմտյան մայրաքաղաքներում ձեռք բերված պայմանավորվածությունները։
Այժմ Ռուսաստանը բացահայտ ընդունում է, որ ինքն է արել ամբողջ «սեւ գործերը», բայց Երևանը համառորեն չի նշում «կեղտոտ գործն» անողի անունը։
Պետք է գնահատել կատարվածը և արձանագրել, որ տարածաշրջանային գործընթացներում առանցքային դերը պատկանում է Ռուսաստանին։ Միջազգային առաջարկներում, փաստաթղթերում, համաձայնագրերում ռուսական գործոնը չի նշվում, և դա աղավաղող հայելային էֆեկտ է ստեղծում։
Մոսկվան երբեք չի թաքցրել իր վերաբերմունքը հայկական իրավունքների և շահերի նկատմամբ՝ դեռևս պնդելով Կարսի պայմանագրի և Արցախի վերաբերյալ Ստալինի որոշման օրինականությունը։
2023 թվականի սեպտեմբերի 28-ի կեսօրին Դմիտրի Պեսկովն ասել է, որ Կրեմլը «հաշվի է առնում» ԼՂՀ հիմնարկների լուծարումը և «ուշադիր հետևում է հումանիտար իրավիճակին» տարածաշրջանում։ Նա հիշեցրել է, որ ԼՂՀ նախագահի հրամանագրում կետ կա տեղի հայ բնակչության «նոր կոորդինատային համակարգով» Ադրբեջանին ինտեգրվելու մասին»։ Պեսկովը հորդորել է չփնտրել Ղարաբաղից հայերի արտագաղթի պատասխանատուներին։
Մինչդեռ Եվրահանձնաժողովի արտաքին քաղաքականության նախկին ղեկավար Ժոզեպ Բորելն ասել է, որ «Ռուսաստանը երբեք ի վիճակի չի եղել ազգ դառնալու։ Միշտ կայսրություն է եղել ցարով, սովետներով, հիմա էլ՝ Պուտինով։ Սա Ռուսաստանի մշտականությունն է, նրա քաղաքական ինքնությունը և, որպես հետևանք, սպառնալիք իր հարևանների և հատկապես մեզ համար»:
«Ի վերջո, մենք վերջնականապես պայմանավորվեցինք Ադրբեջանի հետ (2020 թվականին), որ Շուշիի գիծ և հենց Շուշի հասնելուց հետո ռազմական գործողությունները կդադարեցվեն»,- ասել է Պուտինը։
«Ղարաբաղի կարգավիճակը վերջնականապես որոշված չէր. սա է խնդրի առանցքը։ Եվ երբ Հայաստանը ճանաչեց, որ Ղարաբաղը Ադրբեջանի կազմում է, պարզվեց, որ մեր խաղաղապահներն արդեն, անկասկած, գտնվում են Ադրբեջանի Հանրապետության տարածքում։ Եվ, իհարկե, հիմա, հատկապես, անկեղծ ասած, հայ բնակչության արտագաղթի հետ կապված ծանր իրադարձություններից հետո, իրավիճակն արդեն ամբողջությամբ, արմատապես փոխվել է»,- ասել է Պուտինը անցած տարվա այս օրերին։
2020 թվականի նոյեմբերի 10-ի «Վլադիմիր Սոլովյովի հետ երեկոյին» ռուս հայտնի կայսերական Սերգեյ Կուրգինյանն ասաց. սա իրավիճակ էր, երբ ամեն ինչ կարող էինք ուղղակի կորցնել, եւ ոչ մի քայլ չէր մնում: Որովհետև եթե Փաշինյանի հաղթանակը ձեռք բերվեր մեր ձեռքով, ապա հաջորդ պահին Հայաստանը կսկսեր անդամակցել ՆԱՏՕ-ին։ Մենք կստանաինք լուծված հակամարտություն, ՆԱՏՕ-ի կողմնակից թուրքամետ Ադրբեջան, Փաշինյանի՝ ՆԱՏՕ-ի կողմնակից Հայաստան և ՆԱՏՕ-ի կողմնակից Վրաստան… և հաջորդ փուլը հարձակումն կլիներ այնտեղ՝ Հյուսիսային Կովկասի և մնացած ամեն ինչի վրա»:
Այսքանը:
Նաիրա Հայրումյան
Հայաստանի ԱԳՆ-ից հայտնում են, որ ԱԳ նախարար Արարատ Միրզոյանը համաձայնել է Մեղրին 2026 թվականին ԱՊՀ մշակութային մայրաքաղաք հռչակելու առաջարկին։
Հիշեցնենք, որ ՌԴ արտգործնախարար Լավրովն առաջարկել էր 2025 թվականին ԱՊՀ մշակութային մայրաքաղաք հռչակել «Ադրբեջանի Լաչինը», իսկ 2026 թվականին՝ Հայաստանի Մեղրին։
Հայաստանի ԱԳՆ հաղորդագրության մեջ խոսվում է միայն Մեղրիի մասին, իսկ Լաչինի մասին ոչ մի խոսք։ Այսպիսով, հաջորդ տարի մենք ականատես կլինենք, թե ինչպես է նշվելու Հորդայի մշակույթը Լաչինում։
Մեկ տարի անց այն բանից հետո, երբ ռուսները հաջողությամբ հանձնեցին «Լաչինի միջանցքը» Ալիևին, ապա թույլ տվեցին գրավել Արցախը և արտաքսել բնիկ բնակչությանը, նրանք առաջարկում են Լաչինը հայտարարել «ԱՊՀ մշակութային մայրաքաղաք»։ Լաչինի միջանցքը ռուսական դավաճանության, դաշնակցային պարտավորություններից ու երաշխիքներից հրաժարվելու անշեջ խորհրդանիշն է։