Սյունիքի մարզից այսօր Ադրբեջանի տարածք անցած պատանիներն արդեն Հայաստանում են, «Ազատությանը» հայտնեցին նրանցից մեկի հարազատը և Տեղ համայնքի ղեկավար Դավիթ Ղուլունցը։
Թե ինչ վիճակում են նրանք գտնվում, ինչպես են զգում և ինչպես են վերադարձել Հայաստան, ինչ միջոցներով, Ղուլունցը չհայտնեց, միայն ասաց, որ տղաներն այս պահին իր մոտ են գտնվում:
Սյունիք
Հաղորդման հիման վրա Արավուսից պատանիների առևանգման հատկանիշներով քրեական վարույթ է նախաձեռնվել, «Ազատությանը» հայտնեցին Քննչական կոմիտեից:
Սյունիքի մարզի սահմանային Տեղ բնակավայրից երկու անչափահասներ ադրբեջանական կողմում են հայտնվել, այսօր առավոտյան հաղորդել է Ազգային անվտանգության ծառայությունը: Գերատեսչությունից հայտնել են, թե 18-ը դեռ չլրացած Կարեն Ջհանգիրյանն ու 17-ամյա Անդրեյ Գյագունցը գիշերը 1:20 են մոլորվել Արավուս գյուղի հարակից հատվածում:
Եթե գործը բացվել է «առևանգում» հոդվածով, դա նշանակում է՝ կան տեղեկություններ, որ հայ տղաները գերի են վերցվել հայկական տարածքում։ Եւ թեկուզ հայտնի դարձավ, որ տղաները վերադարձան, հարցերը պահպանվում են, քանի որ նման դեպքեր կարող են կրկմվել։
«Պատիվ ունեմ» խմբակցության պատգամավոր Տիգրան Աբրահամյանն ասում է, որ նոր շփման գիծը գործնականում հագեցած չէ, և այնտեղ իրականացվում են նվազագույն ամրացման աշխատանքներ։ «Խաղաղության օրակարգը» չի ենթադրում սահմանների ամրացում, սահմանները պատրաստվում են «5 րոպե հետո առևտուր անելուն»։ Սակայն սահմանի մյուս կողմում առևտրի չեն պատրաստվում։
Առևանգումը տեղի է ունեցել այն ժամանակ, երբ Երևանում ընթանում էր 2023 թվականի հունվարի 19-ին Ազատ գյուղի զորանոցում տեղի ունեցած հրդեհի գործով դատավարությունը, որի հետևանքով զոհվել էր 15 զինծառայող։ Դիվերսիայի վարկածն անմիջապես մերժվեց Հայաստանի վարչապետի մակարդակով։ Սակայն այժմ զոհերի փաստաբաններն ու հարազատները խոսում են հենց դիվերսիայի մասին։
Իշխանությունները զգուշորեն խուսափեցին դիվերսիայի թեման քննարկել նաև Սուրմալուի շուկայում 2022 թվականի օգոստոսի 14-ին տեղի ունեցած պայթյունի դեպքում, որի հետևանքով զոհվել էր 16 մարդ։
Այս երկու իրադարձությունները սերտորեն կապված էին Արցախում Ադրբեջանի ագրեսիայի հետ, սակայն Հայաստանի կառավարությունը զգուշորեն խուսափեց նման գնահատականներից։
Սուրմալուի պայթյունը տեղի է ունեցել այն օրերին, երբ Արցախում զինված բախումներ էին, որոնց արդյունքում հայկական կողմը հանձնեց Բերձորի միջանցքի հիմնական երթուղին և Քաշաթաղի շրջանի մնացած բնակավայրերը՝ Բերձորը, Աղավնոն և Սուսը։ Իր հերթին, 2023 թվականի հունվարին, երբ Ազատ գյուղում հրդեհ բռնկվեց, Արցախում սկսվեց սրացում՝ շրջափակման պատճառով, երբ պարզ դարձավ, որ ճանապարհը այլևս չի բացվի։
Այս ֆոնին, Սյունիքի սահմանամերձ շրջանում երկու երիտասարդների առևանգումը կարող է լինել Բաքվի կողմից Հայաստանի հարավը գրավելու ավելի լայն գործողության մի մասը: Առևանգումը, ինչպես նաև սահմանամերձ գյուղերի անընդհատ հրետակոծությունը՝ ահաբեկչություն և սպառնալիք է, որը պետք է ստիպի Սյունիքի սահմանամերձ գյուղերի բնակիչներին «կամավոր» լքել իրենց տները։
Սյունիքում գործնականում կրկնվում է արցախյան սցենարը։
Այս ֆոնին Նիկոլ Փաշինյանը շնորհավորում է «ադրբեջանական ժողովրդին» Կուրբան Բայրամի կապակցությամբ։
«Չենք ուզում ԼՂ-ից բռնի տեղահանված մեր հայրենակիցների մոտ վարքագիծ ստեղծվի, որ պետությունն անընդհատ գումարով պիտի օգնի իրենց։ Մենք պետք է խթանենք, որպեսզի այս ընտանիքները գնան եւ աշխատեն, աշխատանքի հնավորությունը մեծացնենք եւ ոչ թե անընդհատ կախվածության մեջ դնենք։ Եվ չպետք է ունենանք զուգահեռ աջակցության ծրագրեր, որոնք կխոչընդոտեն իրենց երկարաժամկետ ներառմանը»,- այսօր Ազգային ժողովում ասաց աշխատանքի եւ սոցիալական հարցերի նախարար Նարեկ Մկրտչյանը՝ անդրադառնալով հարցին, որ եթե երկու ամիսը լրանա, ի՞նչ է լինելու՝ 40 հազարական դրամ աջակցության ծրագիրը շարունակվելու, թե՞ ոչ։
«Մեր տեսլականն է ի վերջո, որպեսզի իրենք հնարավորինս մեծ ծավալով ներգրավվեն մեր հանրային կյանքի տարբեր ոլորտներում։ Դրա համար մենք նախ եւ առաջ նրանց պետք է հնարավորություն ընձեռենք աշխատելու եւ բնակարան ձեռք բերելու»,- հավելեց նախարարը։
Նա նշեց, որ բնակապահովման ծրագրին արդեն դիմել եւ հավաստագիր է ստացել 1400 արցախցի ընտանիք, իրացվել է 300 հավաստագիր։ Նախարարության տվյալներով՝ օրական կտրվածքով մոտ 12 հավաստագիր է իրացվում։
Artsakh Tourism & Culture Development Agency-ն գրում է․
Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոյի Հայաստան այցին զուգահեռ մի խումբ քաղաքացիներ բողոքի ակցիա են իրականացում Ազգային ժողովի դիմաց:
«Ռուսաստանը հիբրիդային պատերազմ է վարում Հայաստանի դեմ, իսկ պատերազմ վարում են թշնամիները: Իրենք այլևս այստեղ չպիտի մտնեն որպես սեփական տարածք, իրենք պետք է իմանան, որ մի քանի անգամ ավելի պետք է մտածեն Հայաստան գալիս», – ասաց «Հանուն Հանրապետության» կուսակցության ղեկավար Արման Բաբաջանյանը :
Վալենտինա Մատվիենկոն Հայաստան է ժամանել նախօրեին: Նրան ջերմորեն դիմավորել է Ալեն Սիմոնյանը։
Մատվիենկոն, ի տարբերություն օրերս Հայաստան եկած Սերգեյ Լավրովին, այդելեց նաև Ծիծեռնակաբերդ։
Բողոքի ակցիայի ժամանակ ոստիկանությունը Արման Բաբաջանյանից խլեց բարձրախոսը, որով նա վանկարկում էր “Россия – предатель”։
Սյունիքի մարզի երկու անչափահաս բնակիչներ մոլորվել են և հայտնվել Ադրբեջանի տարածքում:
Ստացված տվյալների համաձայն՝ ՀՀ Սյունիքի մարզի Տեղ համայնքի բնակիչներ Կարեն Արմենի Ջհանգիրյանը (ծնված 27.06.2007թ.) և Անդրեյ Արմենի Գյագունցը (ծնված 13.01.2008թ.) 2025 թվականի հունիսի 6-ին՝ ժամը 01:20-ի սահմաններում, Սյունիքի մարզի Արավուս գյուղի հարակից հատվածում՝ տեղանքում մոլորվելու հետևանքով հայտնվել են Ադրբեջանի տարածքում։
Ձեռնարկվում են անհրաժեշտ բոլոր միջոցները՝ քաղաքացիների գտնվելու վայրը պարզելու և նրանց անվտանգ վերադարձն ապահովելու ուղղությամբ։ Այդ մասին հայտնում է ԱԱԾ-ը։
Ըստ տվյալների՝ 05.05.25թ. լույս 06.06.25թ. գիշերը ժամը 00:00-01:00 սահմաններում Արավուս գյուղի ուղղությամբ երկու հայ երիտասարդ փորձել են գտնել և վերադարձնել իրենց ձին։ Որոնողական աշխատանքների ժամանակ թշնшմին նկատել է և գերեվարել նրանց, այնուհետև նստացերել մեքենան ու տարել անհայտ ուղղությամբ։
Ռեջեփ Թայիփ Էրդողանը հատուկ իրավական աշխատանքային խումբ է հրավիրել երկրի նոր սահմանադրությունը մշակելու համար: Նա սահմանադրական փոփոխությունների անհրաժեշտությունը բացատրել է նրանով, որ Անկարան շարունակում է «իրականացնել ահաբեկչության դեմ պայքարի իր ռազմավարությունը», որի կարևոր իրադարձությունը Քրդստանի աշխատավորական կուսակցության ինքնալուծարումն էր։
Թուրքիայի սահմանադրությունը պետք է երաշխավորի քրդերի ճանաչումը և վերանայի «թուրքական ինքնության» սահմանումը, փետրվարին ասել էր կառավարամետ քրդական «Հյուդապար» կուսակցության ղեկավարը: Ինչպես նշում է թուրքագետ և լրագրող Յաշար Նիյազբաևը. «ժամանակակից Թուրքիայում «թուրքական ինքնության» հասկացությունը հիմնված է ունիտար ազգայնականության վրա, որտեղ Թուրքիայի բոլոր քաղաքացիները համարվում են թուրքեր՝ անկախ էթնիկ պատկանելությունից»։
Վերլուծաբանները նշում են, որ քրդերի հետ Էրդողանի գործարքի պայմանը՝ թուրքական Քրդստանի ստեղծումն է, ինչպես դա արվեց Իրաքում: Դրա համար Էրդողանը պետք է փոխի Սահմանադրությունը և Թուրքիան ունիտար պետությունից վերածի «բազմազգ թուրք հպատակների դաշնային պետության», ինչպես դա եղել է Օսմանյան կայսրությունում:
Թուրքիայի գործող սահմանադրությունը չի նշում հանրապետության ճշգրիտ սահմանները։ Սակայն հայտնի է, որ ժամանակակից Թուրքիայի սահմանները սահմանվել են 1923 թվականի հուլիսի 24-ին ստորագրված Լոզանի խաղաղության պայմանագրով։ Պայմանագիրը սահմանել է Թուրքիայի սահմանները Առաջին համաշխարհային պատերազմից հետո՝ դնելով թուրքական ազգային պետության հիմքերը։
Այնուամենայնիվ, Թուրքիայի ոչ բոլոր սահմաններն են սահմանվել Լոզանի պայմանագրով. նրա հյուսիսային սահմանները Հայաստանի և Վրաստանի հետ սահմանվել են 1921 թվականի ռուս-թուրքական Կարսի պայմանագրով։ Այս պայմանագիրը միջազգայնորեն ճանաչված չէ, ինչը նշանակում է, որ Թուրքիան հիմա իրական սահմաններ չունի, այդ թվում՝ Հայաստանի հետ։
Նոր թուրքական սահմանադրությունը թույլ կտա Էրդողանին «ընդլայնել» իր երկրի սահմանները այնքանով, որքանով թույլ կտան նրան իր հարևանները և իրական իրավատերերը։ Օրինակ, եթե Կարսի պայմանագիրը անվավեր ճանաչվի, ապա Նախիջևանը, Կարսը, Արդահանը և Արարատ լեռան շրջանը պետք է վերադառնան Հայաստանին։
Սակայն, եթե Հայաստանը փոխի իր Սահմանադրությունը և ճանաչի իր տարածքը խորհրդային վարչական սահմաններում, ապա Էրդողանը կարող է հեշտությամբ յուրացնել 1921 թվականին Ռուսաստանի կողմից Թուրքիային նվիրած Հայաստանի մասը։ Ավելին, եթե ստեղծվի դաշնային պետություն, ապա Էրդողանը կարող է նույնիսկ «առաջարկել» Հայաստանին դառնալ ավելի մեծ Թուրքիայի մաս։ Հատկապես, եթե նրան հաջողվի վերահսկողություն հաստատել Սյունիքի նկատմամբ։
Իսկ հիմա նախևառաջ, առաջարկվում է փոխել Թուրքիայի Սահմանադրության առաջին երեք հիմնական հոդվածները։ Դրանք կառավարման ձևի, հանրապետության բնութագրերի և պետության ամբողջականության մասին են։ Դրանք ընդունվել են վաղուց՝ Աթաթուրքի օրոք և երբեք չեն փոխվել։ Ավելին, այս հոդվածները Թուրքիան ինքնուրույն չի ընդունել. կարծիք կա, որ դրանք գրվել են այն արևմտյան ուժերի թելադրանքով, որոնք այդ ժամանակ ազդեցություն ունեին երկրի վրա։
Քրդստանի աշխատավորական կուսակցության առաջնորդ Աբդուլլահ Օջալանը ասում է, որ «Աթաթուրքի կողմից սկսված անկախության պատերազմը հաղթեց քուրդ-թուրքական դաշինքը։ Արդյունքում ստեղծվեց Թուրքական Հանրապետությունը, ինչպես մենք այն գիտենք։ Մուստաֆա Քեմալը այս պատերազմը սկսեց ոչ թե Իզմիրից կամ Թրակիայից, այլ Էրզրումի և Սիլվանի քրդական շրջաններից»։
Նա նշեց, որ ամեն ինչ ավելի շուտ է սկսել, և «այս պատմական միության առաջին արդյունքը 1064 թվականին բյուզանդական տիրապետության տակ գտնվող Հայկական թագավորության դեմ արշավանքն էր և Անիի ու Կարսի գրավումը։ Այս պատերազմից հետո Անին տրվեց Մանուչերին, իսկ Կարսը՝ Թուղրուլին»։
Եթե Էրդողանը համաձայնության գա քրդերի հետ, ապա նոր Թուրքիայի սահմանները կարող են ներառել նաև Իրաքի և Սիրիայի Քրդստանը՝ արդեն գրավված Սիրիայի հետ միասին։
Այսպիսով, Թուրքիայի նոր Սահմանադրությունը կչեղարկի թե՛ Կարսի, թե՛ Լոզանի պայմանագրերը՝ ապահովելով Թուրքիայի իշխանությունը հսկայական տարածքում։ Սակայն դա կարող է տեղի ունենալ միայն այն դեպքում, եթե Հայաստանը հրաժարվի իր ազգային իրավունքներից։
Նաիրա Հայրումյան
Protection of Rights without Borders-ը հայտարարում է․
Անվճար իրավաբանական խորհրդատվություն ստանալու համար կարող եք դիմել՝ զանգահարելով 010 505 303 և 098 505 303 հեռախոսահամարներով, ինչպես նաև նամակ գրելով [email protected] էլեկտրոնային հասցեին։
Իրավախորհրդատվությունը տրամադրվում է երեքշաբթի և հինգշաբթի օրերին ժամը 11։00-ից 15։00-ն։
Գրասենյակ այց կատարելու անհրաժեշտությունը նախապես կհամաձայնեցվի իրավաբանի հետ։Կյանքը գերեվարված Արցախում․ @caspian_frontiers
Այս շարքը ներկայացնելու է իրական իրավիճակն Արցախում՝ ցույց տալով այն ամենը, ինչը հնարավոր չէ գտնել Ադրբեջանի պետական հեռուստաընկերությունների ու իշխանական կայքերի եթերները ուսումնասիրելով։
🔶 Այսպես, Զանգելան (նախկին Կովսական) տեղափոխված ադրբեջանցիները հայտնում են, որ աշխատատեղեր չկան, անասնապահությամբ զբաղվելու հնարավորություն չկա։ Իրենց հատկացված փոքր տնամերձերում անգամ հավ պահելն է դժվար։
🔶 Ավելին, նշված տարածքներում անասնապահությամբ զբաղվելն արգելվել է նաև օրենքով։
🔶 Ֆերմերային անասնապահության մենաշնորհային իրավունք Զանգելանում ունի միայն Էրդողանը, ով այդ իրավունքը ստացել է Արցախի բռնազավթման ժամանակ Թուրքիայի մասնակցության համար։
🔶 Էրդողանի անասնաբուծական և ոչխարաբուծական մեգաֆերմաներում գլուխների թիվը հասնում է տասնյակ հազարների։
Caspian Frontiers-ում Արցախի մերձարաքսյան գոտում Էրդողանի անասնաֆերմաների և անասնապահության մենաշնորհի փաստերի մասին տեսահոլովակի հրապարակումից և դրա հետագա հանրայանցումից հետո ադրբեջանական Հյուրիյյեթ-ի գլխավոր խմբագիր Վուգար Թոֆիգօղլուն հրավիրվել է Ադրբեջանի պետանվտանգության ծառայություն, ստացել խիստ նկատողություններ և, բացի դրանից, վերջինիս հարկադրել են Հյուրիյյեթի յություբյան ալիքից հեռացնել համապատասխան տեսահոլովակը, որի մի հատվածը հրապարակվել էր Caspian Frontiers-ում։
Բայց քանի որ Caspian Frontiers-ի արխիվում առկա է տեսահոլովակի ամբողջական տարբերակը, շուտով կհրապարակվեն նաև Վուգար Թոֆիգօղլուի բացահայտումները Լաչինի (Բերձոր) մասին, որոնք նույնպես բավականին հետաքրքիր են։
Հետևեք Caspian Frontiers-ին և եղեք տեղեկացված Հայոց Արևելից կողմերի անցքերից։
Լուսանկարում՝ Քարվաճառ
Եթե Ադրբեջանի իշխանությունները քրեական պատասխանատվության ենթարկվեն իրենց գործած հանցագործությունների համար, դրա արդյունքը կարող է լինել նաեւ արցախցիների վերադարձը։ Այս մասին step1.am-ի հետ զրույցում ասաց Կալիֆորնիայի առաջին ատյանի դատարանի դատավոր, Ճշմարտության եւ Արդարադատության կենտրոնի համահիմնադիր Գասիա Աբգարյանը։
Նշենք, որ Ճշմարտության եւ արդարադատության կենտրոնն այս օրերին Երեւանում անցկացնում է «Հանցագործությունները խաղաղության դեմ. ագրեսիայի հանցագործության դեմ պայքարը փոփոխվող աշխարհում» թեմայով համաժողովը։
«Ես զբաղվում եմ Ադրբեջանի քրեական հանցագործություններով։ Կարեւոր չէ՝ ում դեմ են այդ հանցագործությունները՝ արցախցու, թե՞ հայաստանցու։ Օրինակ՝ Բավքի բանտում գտնվող լիբանանահայ Վիգեն Էուլջեքչյանի իրավունքների պաշտպանությամբ նույնպես զբաղվում ենք։ Մեր աշխատանքի առանցքում այն է, թե ինչպես պետք է Ադրբեջանին եւ իր հովանավորներին քրեական պատասխանատվության ենթարկել»,- ասաց մեր զրուցակիցը։
Անդրադառնալով արցախցիների իրավունքներին եւ վերադարձի հարցին, Գասիա Աբգարյանը նշեց․ «Չպետք է սուտ խոսեմ, ես վերադարձի ոչ մի հնարավորություն չեմ տեսնում այսօր։ Գիտեմ, որ արցախցիներն այդ հույսով են ապրում։ Վերադարձը կարող է լինել արդյունք, երբ մենք արդեն Ադրբեջանին հանցագործությունների համար պատասխանատվության ենթարկենք։ Դա կարող է լինել արդյունքը, բայց այսպես հետ վերադառնալը, առանց Ադրբեջանի հանցագործությունները բացահայտելու եւ իրենց պատժելու, հնարավոր չեմ համարում։ Ո՞ր հայը կգնա կապրի այսօրվա Արցախում, եթե այն ամբողջությամբ Ադրբեջանի տիրապետության տակ է։ Դրա համար փուլ առ փուլ պետք է այդ հարցը լուծել։ Մենք աշխատում ենք, որ իրենց հանցագործ ճանաչենք, որպեսզի դրա արդյունքը լինի արցախցիների վերադարձը»։
Գասիա Աբգարյանի խոսքով՝ արդեն 5 տարի է՝ աշխատանք են տանում Արդբեջանի իշխանությունների հանցագործությունները միջազգային ատյաններ ներկայացնելու ուղղությամբ։ Նա ասաց, որ փաստեր են հավաքել, զեկույցներ են պատրաստել ու ուղարկել Միջազգային քրեական դատարան եւ այլ միջազգային դատարաններ։
Այս համաժողովում քննարկվում են նաեւ ՄԱԿ-ի հիմնարար փաստաթղթերում փոփոխություններ կատարելու հարցերը, որպեսզի ագրեսիան համարվի հանցագործություն եւ քրեականացվի։ Շատ երկրներ կողմ են ՄԱԿ-ի փաստաթղթերի եւ Միջազգային քրեական դատարանի կանոնադրության փոփոխություններին, որոնք թույլ կտան ոչ միայն ագրեսիան համարել միջազգային հանցագործություն, այլեւ ստեղծել ագրեսիան կանխելու եւ պատժելու միջազգային մեխանիզմներ՝ ընդլայնելով ՄՔԴ-ի լիազորությունները: Բանախոսները նշել են, որ առանցքային նշանակություն ունի ագրեսիայի հանցագործության նկատմամբ ընդլայնված իրավազորության ապահովումը Միջազգային քրեական դատարանի համար։
Գասիա Աբգարյանը մեզ հետ զրույցում ասաց․ «Ագրեսիան առանձին քրեական հանցագործություն է, տարբեր երկրներ պետք է այդ օրենքն ընդունեն։ Այսօր Հայաստանը տուժող երկիր է, ուզում ենք Հայաստանը դա անի ոչ միայն հանցագործությունների համար, այլ նաեւ դա Հայաստանին կտա քաղաքական եւ ռազմական ելք։ Դա ինքնապաշտպանություն կտա Հայաստանին»։
Ադրբեջանը, Արցախից բացի, օկուպացրել է նաեւ Հայաստանի տարածքները եւ շարունակում է նկրտումներ ունենալ ՀՀ տարածքների նկատմամբ։ Գասիա Աբգարյանի խոսքով՝ Ադրբեջանն անօրինական ճանապարհով օկուպացրել է Հայաստանի տարածքը, եւ դա պետք է անընդհատ բացահայտվի։ Նրա խոսքով՝ Սյունիքի ժողովուրդը հայտնվել է ադրբեջանական թիրախում, ամեն օր նրանց ուղղությամբ կրակում են։ «Դա հանցագործություն է, եւ ինչպես մյուս հանցագործությունները, դա եւս պետք է բացահայտվի»,- հավելեց նա։
Ռոզա Հովհաննիսյան
ԱՄՆ նախագահ Դոնալդ Թրամփը համաձայնել է այցելել Գերմանիա, և ուղևորության ամսաթիվը ներկայումս քննարկվում է, հինգշաբթի՝ հունիսի 5-ին, Սպիտակ տանը Թրամփի հետ ունեցած բանակցություններից հետո գերմանական լրատվամիջոցներին ասել է Գերմանիայի կանցլեր Ֆրիդրիխ Մերցը։
«Նա շատ էր հետաքրքրված Գերմանիայով, իր հայրենիքով։ Դա իսկապես հուզեց նրան, և ես նրան հրավիրեցի այցելել Գերմանիա։ Նա ընդունեց հրավերը», – ARD-ին ասել է Մերցը։
Ֆրիդրիխ Մերցն ասել է, որ Թրամփը «զգացմունքայինորեն հուզվել է» Գերմանիայից ստացված նվերից՝ իր պապ Ֆրիդրիխ Թրամփի ծննդյան վկայականի պատճենից, որը ծնվել է գերմանական Կալշտադտ գյուղում 1869 թվականին։ Հանրապետականը վերադարձել է այս թեմային համատեղ ճաշի ժամանակ, ասել է կանցլերը։
Մերցը հավելել է, որ նախատեսում է կրկին հանդիպել ԱՄՆ նախագահի հետ G7 գագաթնաժողովում՝ Կանադայում՝ հունիսի 15-17-ը, և ՆԱՏՕ-ի գագաթնաժողովում՝ Նիդեռլանդներում՝ հունիսի 24-26-ը։