Ստեփանակերտի ֆանտոմ դարձած թատրոն․ “լքված լոկացիաները գրավիչ են արվեստ ցուցադրելու համար”
- 14:04 27.01.2024
Ստեփանակերտի Վահրամ Փափազյանի անվան թատրոնի շենքը կառուցվել է 1952 թվականաին և Ստեփանակերտի ամենակոլորիտային և տարբերվող կառույցներից մեկն է։
Շենքի մեծ մասը վերջին տարիներին գտնվում էր ոչ բարվոք վիճակում, սակայն այդ պայմաններում նույնիսկ կարողանում էր պահպանել իր գեղեցկությունը և գրավել երիտասարդներին։
Տարբերվող լուսանկարներ սիրողների համար դա իդեալական լոկացիա էր, որը հետ էր բերում շատերին անծանոթ խորհրդային շրջանը։
Չնայած շենքի մեծ մասի լքված լինելուն, նրա մի մասը օգտագործվում էր տարբեր արվեստի խմբակների համար։ Այնտեղ անցնում էին պարի, կիթառի, դհոլի և այլ դասընթացներ։
Թատրոնի շենքը գրավիչ էր նաև տարբեր խոշոր մշակութային միջոցառումների կազմակերպիչների համար։ Բոլորի կողմից սիրված Sunrise Stepanakert մուլտիմեդիա արվեստի փառատոնը 3 տարի անընդմեջ իր շուրջ է հավաքել Արցախի և մնացած Հայաստանի արվեստասեր և տաղանդաշատ երիտասարդությանը։
ԹՈՒՄՈ-ի նախաձեռնությամբ անցկացվել է “Կիժվելի Comics թատրոնում” միջոցառումը, որը հավաքել էր նկարչության սիրահարներին և ուղղակի մարդկանց, ովքեր ցանկանում էին ուրախ ժամանակ անցկացնել։
Հեռավոր 2018-ին անցկացվել է #ARTsakh Fest”-ը, եւ ըստ կազմակերպիչների “լքված լոկացիաները գրավիչ են արվեստ ցուցադրելու համար”: Շենքը իր շրջակայքով նման էր աերոպորտի, որը քեզ տանում էր հետ այն ժամանակները, երբ կյանքը հեշտ ու անհոգ էր։
Հայկ Հարությունյան
