Արցախում մնացածները փող են աշխատում եւ շնորհակալություն հայտնում Պուտինին
- 20:19 28.01.2024
Ինստագրամում վերջին 3 ամիսներին մեծ հայտնիություն ձեռք բերեց @artsakhim.sirtim էջը, որում պարբերաբար տեղադրվում են դատարկված Ստեփանակերտից նկարներ և հոլովակներ։
Էջը Արցախում մնացած Սարգիս Գալստյանի կին Մարգարիտայինն է․ նրանք մեծ լսարան կարողացան ձեռք բերել արցախցիների կարոտի վրա։
Այսօր Մարգարիտան Story բաժնում կիսվել էր հետևյալ գրառմամբ – «Դիր + այս սթորիին փակ խմբի համար»։ Փակ խումբը հավանաբար Ստեփանակերտից չհրապարակված նկարների և հոլովակների խումբ է։
Սթորիին + դնելուն պես պատասխան նամակ եք ստանում «բարև ձեզ, փակ խմբի մուտքը 500 դրամ է։ Գումարը կարող եք ուղարկել 753877737 իդրամ-ի հաշվին»։
Մնալով Արցախում, ապրելով ադրբեջանցիների տված ուտելիքով և բենզինով, նրանք մեր ազգի կարոտի և դժբախտության վրա գումար են աշխատում։ Իսկ գրառումներից մեկում ի ցույց են դնում տիրոջը՝ ռուսների տրամադրած ուտելիքը և շնորհակալություն հայտնում Պուտինին, ում մեղքով արցախցիները զրկվեցին հայրենիքից։
