ԱՄՆ-ը հարվածել են իրանամետ խմբավորումների բազաներին Սիրիայում և Իրաքում
- 10:10 03.02.2024
DW
ԱՄՆ-ը պատասխան հարվածներ է հասցրել իրանամետ խմբավորումներին Սիրիայում և Իրաքում, ուրբաթ՝ փետրվարի 2-ի երեկոյան, հայտարարել է ԱՄՆ կենտրոնական հրամանատարությունը (Centcom): Նրա խոսքով՝ ավիահարվածներ են հասցվել 85 թիրախներին, կիրառվել է ավելի քան 125 ճշգրիտ կառավարվող զինամթերք։ Հարձակման թիրախ են դարձել հրամանատարական և հետախուզական կենտրոնները, զենքի պահեստները, հրթիռային կայանները, անօդաչու թռչող սարքերի պահեստները և նյութատեխնիկական միջոցները, որոնք օգտագործվում են Իրանի Իսլամական հեղափոխության պահապանների կորպուսի (ԻՀՊԿ) ուժերի և հարակից իսլամիստական խմբավորումների կողմից:
ԱՄՆ նախագահ Ջո Բայդենը հայտարարել է, որ հրամայել է հարվածներ հասցնել Սիրիայում և Իրաքում գտնվող թիրախներին, որոնք կապված են ամերիկյան զորքերի վրա հարձակում գործած խմբավորումների հետ: «Մեր արձագանքը սկսվեց այսօր։ Դա կշարունակվի մեր ընտրությամբ ցանկացած ժամանակ և վայրում»,- ասել է Բայդենը։ — Միացյալ Նահանգները հակամարտություն չի փնտրում Մերձավոր Արևելքում կամ աշխարհի որևէ այլ վայրում: Բայց թող բոլոր նրանք, ովքեր կարող են փորձել մեզ վնասել, սա իմանան. եթե դուք վնասեք ամերիկացուն, մենք կպատասխանենք»: