«Հայրենիքից Հայրենիք», շնորհակակության օրը. Նարեկ Արշակյանի անհատական ցուցահանդեսը

“Հայրենիքից Հայրենիքը” իրենից ներկայացնում է լուսանկարչական ցուցահանդես, որտեղ ներկայացված են Արցախում ապրած և տարբեր ճանապարհ անցած հայտնի արցախցիների դիմանկարներ, որոնք լուսանկարների միջոցով իրենց շնորհակալությունն են հայտնում նրանց, ովքեր մշտապես իրենց կողքին են եղել:

Լուսանկարիչ Նարեկ Արշակյանի խոսքով` հայաստանցիներն ու արցախցիները միշտ ունեցել են ինչ-որ “սառույց” իրար մեջ, և նախագծի նպատակն այն է, որ այդ սառույցը հալվի, որ մենք ցույց տանք, որ իրար սիրում ենք, իրար ջիգյար ենք, պատրաստ ենք իրար ամեն ինչ տալ:

«Այսօր շնորհակալության օր է: Հերոսները շնորհակալություն են հայտնում անցած բոլոր դժվարությունների ժամանակ իրար սատար կանգնելու համար: Կարիք կար իրար շնորհակալություն ասելու: Այդ գեղեցիկ բառն այնքան բան է փոխում մեր հարաբերությունների մեջ: Իրար կարոտած արցախցիների էմոցիաները, գրկախառնությունները, աչքերի փայլը տեսնելը շատ հուզիչ էր”, ասաց նա:

Ցուցահանդեսի մասնակիցներից Իննա Գրիգորյանը պատմում է, որ նկարվելու ժամանակ պետք էր աչքերը փակել և մտովի տեղափոխվել Արցախ: Դրանից հետո այլևս կարիք չկար որևէ դերի մեջ մտնելու, քանի որ էմոցիաները ինքնըստինքյան ի հայտ էին գալիս:

Տաթև Ազիզյան