Հայկական կողմը ՌԴ-ին ծանուցել է «Միր» քարտի սպասարկումը դադարեցնելու մասին
- 19:11 19.03.2024
Ռուսական կողմը Հայաստանի վճարային համակարգից պաշտոնական ծանուցում է ստացել, որ մարտի 30-ից բանկերը կդադարեցնեն «Միր» քարտերի սպասարկումը: Այս մասին հայտնում է ռուսաստանյան ՏԱՍՍ պետական գործակալությունը՝ վկայակոչելով «Միր»-ի պաշտոնական հաղորդագրությունը։
Լրատվամիջոցը հավելում է, որ միևնույն ժամանակ «ՎՏԲ Հայաստան» բանկը, որն ամբողջությամբ սպասարկում է «Միր» քարտերն իր ենթակառուցվածքներով, կշարունակի աշխատել Հայաստանում ռուսական քարտերով։
2024 թվականի փետրվարին «Միր»-ը կամ ռուսական ազգային վճարային համակարգը ԱՄՆ պատժամիջոցների թիրախում է հայտնվել, Վաշինգտոնը պնդում է, որ այդ համակարգի միջոցով «Ռուսաստանը շրջանցում է պատժամիջոցները և պահպանում կապերը միջազգային ֆինանսական համակարգի հետ»։