Չինաստանը ղժժում է Հայաստանի վրա․ «Միջին միջանցքը» Տավուշո՞վ կանցնի

Այսօր՝ մարտի 19-ին, Տավուշի մարզպետ Հայկ Ղալումյանն ընդունել է Հայաստանում Չինաստանի արտակարգ եւ լիազոր դեսպան Ն.Գ. Ֆան Յոնգին:

Հանդիպման ընթացքում մարզպետը դեսպանին ներկայացրել է հնարավոր համագործակցության ուղղությունները, ինչպես նաև համատեղ ծրագրերի իրականացման հնարավորությունները:

Քննարկվել են նաեւ Տավուշի մարզում կրթության ոլորտի, գյուղատնտեսության, զբոսաշրջության զարգացմանն ուղղված հարցեր:

Դեսպանն իր խոսքում վստահեցրել է, որ այս ոլորտների զարգացումն արդյունավետ կլինի, որովհետև Տավուշի մարզը զարգացման մեծ հնարավորություններ ունի:

Այսօր Չինաստան է այցելել Ադրբեջանի նախագահի արտաքին քաղաքական հարցերով օգնական Հիքմեթ Հաջիևը։

«Հանդիպումների ժամանակ ընդգծվել է երկու երկրների համագործակցությունը որակապես նոր մակարդակի բարձրացնելու փոխադարձ ցանկությունը։ Մասնավորապես, մտքերի փոխանակություն է տեղի ունեցել «Միջին միջանցք» նախագծի իրականացման, COP29-ի շրջանակներում փոխգործակցության և Ադրբեջանից կանաչ էներգիայի փոխադրման ծրագրին Չինաստանի մասնակցության շուրջ», – X-ում գրել է Ադրբեջանի նախագահի օգնականը։

Միջին միջանցքը (կամ Անդրկասպյան միջազգային տրանսպորտային երթուղին) միջազգային տրանսպորտային միջանցք է, որն անցնում է Չինաստանով, Ղազախստանով, Կասպից ծովով, Ադրբեջանով, Վրաստանով, ապա Թուրքիայով դեպի եվրոպական երկրներ:

Եթե նկատի ունենանք, որ երեկ Փաշինյանը գնացել է Տավուշ, որ համոզի 4 գյուղ հաձնել, իսկ ընդդիմությունն ասում է, որ այդ դեպքում Բաքուն 15 կմ առաջ կգա ու կհասնի Լոռու մարզին, կարելի է ենթադրել, որ Չինաստանի դեսպանն այսօր Տավուշ է գնացել, որ «Միջին միջանցքի» եւս մեկ երթուղի դիտարկի։ Ընթաքցում էլ ղժժացել հայերի վրա՝ թե բա Տավուշի զարգացում։