Փաշինյանը Արծվաշենի մասին հիշեց “Քյարքիի” մասին Բաքվի պահանջից հետո

Սահմանազատման արդյունքում մենք պետք է վերադարձնենք Արծվաշենը և ՀՀ մյուս օկուպացված ինքնիշխան տարածքները։ Այս մասին ֆեյսբուքյան իր էջում գրել է Նիկոլ Փաշինյանը։ 

Երեկ դժվար օր էր Փաշինյանի համար․ Բաքուն 44-օրյա պատերազմի ավարտի 5-րդ տարվա կապակցությամբ հայտարարություններ արեց, որոնք որպես անհապաղ պահանջ հնչեցին։

Մասնավորապես, Բաքվի ԱԳՆ հայտարարության մեջ “անհանգստություն” հնչեց առ այն, որ օգոստոսի 8-ից հետո Հայաստանը հապաղում է կատարել “տնային աշխատանքը”․ չի սկսում “Զանգեզուրի միջանցքի” իր մասի կառուցումը, չի փոխում Սահմանադրությունը և չի ուզումլուծել “անկլավների”, այդ թվում՝ “Քյարքիի”, այսինքն՝ Տիգրանաշենի հարցը։

Եթե Բաքվի ԱԳՆ-ն միայն “շտապեցնում” էր, ապա պատգամավորներն ավելի բացահայտ սպառնում են, որ եթե Հայաստանը “չտա Զանգեզուրի միջանցքը, ապա Ադրբեջանը պետք է մտնի և գրավի այն, հետո տա վերահսկողության կամ Ռուսաստանին, կամ ԱՄՆ-ին”։

Մինչ այդ Բաքուն և Թբիլիսին Ռուսաստանի համար բացել են իրենց երկաթուղին, “պարտքի տակ” դնելով Երևանին։ Փաշինյանը որպես “պատասխան” հայտարարեց, որ պատրաստ է ապահովել Թուրքիա-Ադրբեջան տրանզիտը Մարգարա-Երասխ-Սիսիան-Գորիս երթուղով։

Բաքուն և Անկարան չեն պատասխանել այս առաջարկին, փոխարենը երեկ Բաքվի ԱԳՆ-ը պահանջեց “Քյարքին”՝ Տիգրանաշենը։

Բավական է նաել քարտեզին, համոզվելու համար, որ եթե Հայաստանը հրաժարվի Տիգրանաշենից, ապա բառացիորեն կկորցնի որ միայն Երասխը, այլջ դեպի Վայոց ձոր և Սյունիք միակ ճանապարհը։ Բաքուն ինքն է ուզում տիրանալ այս ճանապարհին, և չի համաձայնվի Փաշինյանի “առաջարկին”։

Այն, որ Փաշինյանը հիշել է Արծվաշենի մասին, ապացուցում է, որ “Քյարքին” հանձնելու պահը մոտ է․ Բաքուն չի պատրաստվում սպասել Հայաստանի ընտրություններին, Սահմանադրության փոփոխությանը և այլ։ Փաշինյանի վերարտադրությունը արդեն ոչ մեկին պետք չի լինի։