Դատարանը բանտից ազատ է արձակել Ֆրանսիայի նախկին նախագահ Սարկոզիին
- 21:06 10.11.2025
Երկուշաբթի՝ նոյեմբերի 10-ին, Փարիզի վերաքննիչ դատարանը որոշում կայացրեց 70-ամյա Ֆրանսիայի նախկին նախագահ Նիկոլա Սարկոզիին բանտից ազատ արձակել և դատական հսկողության տակ դնել, հաղորդում է BFM TV-ն։
Բանտից ազատվելուց հետո անօրինական քարոզարշավի ֆինանսավորման մեջ մեղադրանքով դատապարտված նախկին նախագահը պարտավոր է կրել էլեկտրոնային կոճի բրասկետ։ Նրան արգելվում է կապ հաստատել իր գործով մեղադրյալների և վկաների հետ։
Նիստի ժամանակ տեսակապի միջոցով Նիկոլա Սարկոզին իր բանտարկությունն անվանել է «շատ դժվար» և «հյուծող»։
Նիկոլա Սարկոզին, որը սեպտեմբերի վերջին դատապարտվել էր հինգ տարվա ազատազրկման, հոկտեմբերի 21-ին սկսել է կրել իր պատիժը Փարիզի Սանտե բանտում։
Սարկոզին պատերազմից հետո առաջին ֆրանսիացի առաջնորդն էր և ԵՄ անդամ պետության առաջին նախկին նախագահը, որը բանտարկվել է։