Ահա այսպես Ստեփանակերտի փոքրիկ ծաղկի խանութը վերածվում միջազգային ցանցի
- 11:00 15.11.2025
Մենք մեկ տարի առաջ գրել էինք Սոֆիա Մելքումյանի մասին, ով Արցախում ծաղկի խանութների ցանցի սեփականատեր էր։ Արցախից տեղահանումից որոշ ժամանակ անց նա վերաբացեց իր բիզնեսը Հայաստանում։ Այսպիսով, այս տարվա հունվարին բոլոր արցախցիների կողմից սիրված Фанфан-Тюльпан ծաղկի խանութը վերաբացեց իր դռները, Երևանում։
Step1.am-ի հետ հարցազրույցում Սոֆիան խոսել է Արցախից բռնի տեղահանվելուց հետո իր գործունեության մասին և կիսվել հաջողություններով։
«Արցախից տեղահանվելուց որոշ ժամանակ անց ես որոշեցի ժամանակավորապես վերաբացել իմ բիզնեսը Երևանում։ Չնայած բոլոր դժվարություններին՝ ես կարողացա իրականացնել իմ երազանքը և վերաբացել սիրված արցախյան խանութը՝ Фанфан-тюльпан-ը»։
Այս տարի ես բախտ ունեցա մասնակցելու Համազգային վստահության խորհրդի կողմից կազմակերպվող «Տարվա հայուհի» ամենամյա մրցանակաբաշխությանը։ Մրցույթի նպատակն է ընդգծել հայ կանանց կարևոր դերը ժամանակակից արդյունաբերության տարբեր ոլորտներում՝ ընդգծելով նրանց գեղեցկությունը, արժանապատվությունը և նպատակասլացությունը։
«Տարվա հայուհի» մրցույթին մասնակցելը ինձ եզակի հնարավորություններ տվեց՝ տեղեկատվական աջակցություն, ապրանքանիշի ճանաչելիության բարձրացում, մասնագիտական ցանցի ընդլայնում, ինչպես նաև բիզնեսի և կարիերայի զարգացման մոտիվացիա և ոգեշնչում։
Ես միջոցառմանը ներկայացա դստերս հետ արցախյան տարազներով, ինչը գրավեց բոլորի ուշադրությունը և մրցույթին հաղորդեց հատուկ ջերմ մթնոլորտ։
Բոլորը զարմացած էին, թե ինչպես կարող էր շրջափակումն ու սարսափելի փորձությունները վերապրած մեկը շարունակել զարգանալ և հասնել նոր բարձունքների։
Այսօր Фанфан-тюльпан-ը արագ զարգանում է։ Մրցույթին մասնակցելուց հետո մենք ձեռք բերեցինք նշանակալի գործընկերներ ինչպես Հայաստանում, այնպես էլ արտերկրում։ Մենք դարձանք «Նուռ» և «Շանթ» հեռուստաալիքների ծաղիկների մատակարարը։ Համագործակցում ենք տարբեր խոշոր ընկերությունների հետ՝ նրանց մատակարարելով շքեղ, թարմ ծաղիկներ։ Մենք պատվերներ ենք ստանում աշխարհի տարբեր ծայրերից՝ Գերմանիայից, Ֆրանսիայից, Ռուսաստանից և այլուր։
Շուտով նախատեսում ենք ընդլայնել մեր բիզնեսը և բացել նոր մասնաճյուղեր, այդ թվում՝ Ռուսաստանում։
Ահա այսպես Ստեփանակերտի փոքրիկ ծաղկի խանութը աստիճանաբար վերափոխվում է միջազգային խանութների ցանցի։
Ես կցանկանայի շնորհակալություն հայտնել Աստղիկ Խաչատրյանի գլխավորած Համազգային վստահության խորհրդին (ԱԱՀ) համագործակցության, ջերմ ընդունելության և վստահության համար։ Մեր նոր գործընկերների հետ միասին մենք շարունակում ենք ճանապարհը մեծ վճռականությամբ և նվիրվածությամբ։
Արսեն Աղաջանյան