“Արցախցիներին ասում են՝ կռվեիք, բայց որ հասել է իրենց կռվելու օրը կամ ժամանակը, գնացել թուրքի դեմ ծնկի են իջել”

Գործարար Սամվել Կարապետյանի աջակիցներն ի պաշտպանություն Կարապետյանի ակցիա են կազմակերպել դատարանի շենքի մոտ։

Արցախցի գործիչ Անաստաս Իսրայելյանը լրագրողների հետ զրուցյում անդրադարձավ Նիկոլ Փաշինյանի թեզերին, թե «արցախցիները չեն կռվել» եւ «Արցախի հարցը թոկ էր Հայաստանի վզին»։

«Նիկոլ Փաշինյանը թող իր խոստումները իրականություն դարձնի, հետո նոր արցախցիներին մեղադրի չկռվելու համար։ Արցախցիներին ասում են՝ կռվեիք, բայց որ հասել է իրենց կռվելու օրը կամ ժամանակը, գնացել թուրքի դեմ ծնկի են իջել, խաղաղություն են ողորմում։ Սա խաղաղություն չէ, սա խայտառակություն է, մենք ուզում ենք արժանապատիվ խաղաղություն ձեռք բերել։ Մեր հազարամյա պատմությունը ցույց է տալիս, որ մեր հաղթանակներն ու գոյատեւումը եղել է հզոր առաջնորդների շնորհիվ, ոչ թե նմանատիպ ղեկավարների թեզերի»,- ասաց նա։

Անդրադառնալով իշխանության ներկայացուցիչների այն հայտարարություններին, թե Բաքվի հետ խաղաղություն է հաստատված, սահմաններին չեն կրակում, Իսրայելյանն ասաց․ «Սահմաններին ինչո՞ւ կրակեն, եթե առանց կրակել ամեն ինչի հետ համաձայնում են։ Իր ասած ամեն միտքը համընկնում է թշնամու շահերի հետ»։