Իրանի իշխանությունները փորձում են արհեստականորեն անձրևներ առաջացնել
- 18:57 17.11.2025
Իրանի իշխանությունները սկսել են ամպերի ցանումը՝ արհեստականորեն անձրևներ առաջացնելու համար քիմիական նյութեր ցողելով երաշտից տուժած երկրում, հաղորդում է BBC-ն։
Ամպերի ցանումը ենթադրում է արծաթի կամ կալիումի յոդիդ քիմիական նյութերի ներարկում ամպերի մեջ ինքնաթիռներից կամ գետնից։ Սա արագացնում է ջրային գոլորշու խտացումը և հետագա տեղումները։
Իրանի պաշտոնական «Իրնա» լրատվական գործակալության հաղորդմամբ՝ շաբաթ օրը այս գործընթացը իրականացվել է Ուրմիա աղի ջրավազանի վրա։
Ուրմիան Իրանի ամենամեծ լիճն է Կասպից ծովից հետո, սակայն մի քանի տարվա երաշտը զգալիորեն չորացրել է այն և վերածել աղի ճահճի։
Գործակալության տվյալներով՝ ամպերի ցանումը կշարունակվի լճին սահմանակից Արևմտյան և Արևելյան Ադրբեջան նահանգներում (Իրանի նահանգները սահմանակից են Ադրբեջանի Հանրապետությանը)։
Իրանի օդերևութաբանական կազմակերպության տվյալներով՝ երկրում այս տարի տեղումների քանակը 89%-ով ցածր է երկարաժամկետ միջին ցուցանիշից։
Մայրաքաղաք Թեհրանում, որն ունի ավելի քան 9 միլիոն բնակչություն, ջրամբարները սպառվել են իրենց հզորության 10%-ից պակաս։ Իշխանությունները չեն բացառում ջրամատակարարման սահմանափակումները, և նախագահ Մասուդ Պեզեշկիանը նույնիսկ ենթադրել է, որ կարող են անհրաժեշտ լինել տարհանումները։