Արմեն Այվազյանի “Հայոց զորքը Արցախում. կազմավորումը, զինումը և ճակատամարտերը” գրքի շնորհանդես
- 08:27 06.12.2025
Դեկտեմբերի 5-ին Համազգային հայ կրթական և մշակութային միության Արցախի գրասենյակի նախաձեռնությամբ Երևանի Թումանյանս Արտ սրճարանում կայացել է պատմաբան, քաղաքագետ Արմեն Այվազյանի <<Հայոց զորքը Արցախում. կազմավորումը, զինումը և ճակատամարտերը>> գրքի շնորհանդեսը։
Գիրքը 1722-1735 թվականների Արցախում հայկական զորքերի ստեղծման, հրամանատարական կազմի, թվաքանակի, զենքերի հայթայթման և նրա` մի շարք կարևոր ճակատամարտերի մասնակցության վերաբերյալ առաջին մանրամասն վերլուծությունն է։
Միջոցառման բացման խոսքով հանդես է եկել ու շնորհանդեսը վարել Համազգայինի Արցախի գրասենյակի պատասխանատու Հերմինե Ավագյանը։
Գրքի մասին իրենց կարծիքն են ասել պատմական գիտությունների դոկտոր, պրոֆեսոր Վահրամ Բալայանը, հրապարակախոս, վերլուծաբան Միքայել Հաջյանը, պատմաբան Մհեր Հարությունյանը, իրավագետ Վլադիմիր Հովսեփյանը։
Կարինե Բախշիյան
