Բիզնես-ծրագրերի շահառու կարող են հանդիսանալ 18-65 տարեկան արցախցի խոցելի կանայք
- 21:10 10.12.2025
Կայուն Զարգացման Հայկական Հիմնադրամը հայտարարում է «Խոցելի կանանց հզորացումը Հայաստանում» ծրագրի շրջանակներում փոքր ձեռնարկությունների և մասնագիտական կրթությունների հայտադիմումների ընդունման մեկնարկը։
ՙՙ Ծրագիրը նախատեսում է ֆինանսավորել՝
40 փոքր ձեռնարկություն (նախապատվությունը կտրվի գյուղատնտեսական, արտադրական ոլորտներին և նորարարական գաղափարներին)
15 մասնագիտական կրթություն
Ծրագրի շահառու կարող են հանդիսանալ 2023 թվականի սեպտեմբերից հետո Արցախից բռնի տեղահանված 18-65 տարեկան խոցելի կանայք, ինչպես նաև 2020թ․ պատերազմում զոհված կամ դրան հաջորդող ռազմական գործողությունների հետևանքով 1-ին և 2-րդ կարգի հաշմանդամություն ունեցող զինծառայողների կանայք և մայրերը, ովքեր ցանկանում են ձեռք բերել նոր մասնագիտություն կամ ունեն փոքր ձեռնարկություն ստեղծելու մտադրություն։
Փոքր ձեռնարկատիրական ծրագրերը դիտարկելիս նախապատվությունը կտրվի գյուղատնտեսական, արտադրական ոլորտներին և նորարարական գաղափարներին:
Ծրագրին դիմելու վերջնաժամկետն է 2026 թվականի հունվարի 12, ժամը` 23։59։
Ծրագրի պայմաններին կարող եք ծանոթանալ հետևյալ հղմամբ՝
Մասնակցության հայտի հղումը ստորև՝
https://forms.gle/i1v3PFzvEjAgHMeL6 ՚՚ Նշված է հայտարարության մեջ
Ծրագիրն իրականացվում է Կայուն Զարգացման Հայկական Հիմնադրամի կողմից՝ Սուրբ Սարգիս բարեգործական կազմակերպության և Սոցիալական Օգնության Հայկական Միության համաֆինանսավորմամբ:
Իր գործունեության շրջանակներում Կայուն զարգացման հայկական հիմնադրամը աջակցում է խոցելի կանանց՝ փոքր բիզնեսի ստեղծման և մասնագիտական ուսուցման կազմակերպման միջոցով։
Հիմնադրամի նպատակն է նաև հասարակության բոլոր շերտերի և հատկապես առավել խոցելի խմբերի համար ապահովել կրթության հավասար հասանելիությունը: Հիմնադրամն իրականացնում է կրթության ոլորտում նորարարական ծրագրեր, ֆինանսավորում է համալսարանական կրթաթոշակներ, համալրում է դպրոցները և գրադարանները անհրաժեշտ գրականությամբ և սարքավորումներով:
2020 թվականի պատերազմին հաջորդած դաժան իրողությունների պայմաններում Կայուն զարգացման հայկական հիմնադրամն իր գործունեության կարևոր մասն է համարում աջակցությունը պատերազմից տուժածներին՝ այդ թվում Արցախից բռնի տեղահանված անձանց, հասարակության մեջ վերջիններիս ավելի լավ սոցիալական և տնտեսական ներառման համար: