Մանկական Եվրատեսիլ»-ում երեք երկրներ հայ մասնակիցներ են ներկայացնում

Վիրահայոց թեմում ընդունել են «Մանկական Եվրատեսիլ» երգի մրցույթում երեք երկրների հայազգի ներկայացուցիչներին։

2025 թվականի «Մանկական Եվրատեսիլ» երգի մրցույթը հյուրընկալում է 2024 թվականին Մանկական Եվրատեսիլում հաղթանակած Թբիլիսին: Ուշագրավ է, որ երգի մրցույթի 18 մասնակիցներից երեքը հայազգի աստղեր են:

Դեկտեմբերի 11-ին, Վրաստանում ՀՀ դեսպանության նախաձեռնությամբ և Վիրահայոց թեմի համագործակցությամբ, Թեմի «Հայարտուն» կրթամշակութային կենտրոնում կայացավ հանդիպում Հայաստանի Հանրապետությունը ներկայացնող Ալբերտ Արմենակյանի, Ուկրաինայի Հանրապետությունը ներկայացնող Սոֆիա Ներսիսյանի և Վրաստանը ներկայացնող Անիտա Աբգարյանի հետ:

Երեք հայազգի աստղերի հետ հանդիպումը մեկնարկեց Հավլաբարի Սբ. Էջմիածին եկեղեցի այցելությամբ։

«Մանկական Եվրատեսիլ»-ի պաշտոնական՝ jesc.tv կայքում, այսօր՝ դեկտեմբերի 12-ին, ժամը 21:00-ից կմեկնարկի քվեարկության առաջին փուլը, որը կտևի մինչև շոուի սկսվելը՝ դեկտեմբերի 13-ին։

Քվեարկության երկրորդ պատուհանը կբացվի վերջին մասնակցի ելույթից հետո և կտևի 15 րոպե:

Հավելենք, որ Հայաստանից ևս հնարավոր է քվեարկել մեր ներկայացուցչի՝ Ալբերտի օգտին, որը ներկայանում է Brave Heart երգով: