«Եվրատեսիլ»-ում Հայաստանը ներայացնող Ալբերտը զբաղեցրեց 4-րդ տեղը, հաղթեց Լուն Ֆրանսիայից
- 05:31 14.12.2025
Ֆրանսիան ներկայացնող Լու Դելյոզը հաղթեց «Մանկական Եվրատեսիլ 2025» երգի մրցույթում։ Նա կատարեց «Ce Monde» («Այս աշխարհը») երգը։ 11-ամյա երգչուհու ելույթը արժանացավ թե՛ հանդիսատեսի, թե՛ ժյուրիի բարձր գնահատականներին։
«Ce Monde» երգն ունի խորը և կարևոր իմաստ՝ այն ընդգծում է համաշխարհային խաղաղության, շրջակա միջավայրի պաշտպանության և մարդկային միասնության անհրաժեշտությունը։
Տասներկուամյա Ալբերտ Արմենակյանը, որը ներկայացնում էր Հայաստանը, զբաղեցրեց չորրորդ տեղը «Քաջ սիրտ» երգով։
«Մանկական Եվրատեսիլ 2025» երգի մրցույթը տեղի ունեցավ Թբիլիսիում։ Շոուն կազմակերպվել էր «Միավորված երաժշտությամբ» կարգախոսի ներքո։
Հայաստանը մասնակցում է «Մանկական Եվրատեսիլ» երգի մրցույթին 2007 թվականից։ Հիշեցնենք, որ այս մրցույթում Հայաստանի առաջին հաղթանակը եղել է 2010 թվականին, երբ հաղթեց արցախցի Վլադիմիր Արզումանյանը «Մամա» երգով։ 2021 թվականին Հայաստանը երկրորդ անգամ հաղթեց, և Մալենան զբաղեցրեց առաջին տեղը։
Այս տարի մրցույթում Ուկրաինան և Վրաստանը ևս ներկայացրել են մեր հայրենակիցներ Սոֆիա Ներսիսյանը և Անիտա Աբգարյանը, որոնք զբաղեցրել են երկրորդ և երրորդ տեղերը։
