Ստեփանակերտի վերականգնողական կենտրոնի թիմը ավանդույթի համաձայն զբաղեցրեց առաջին տեղը
- 20:47 22.12.2025
Այսօր կայացավ 2025 թվականի Հայաստանի Բոչիայի ազգային առաջնությունը, որը միավորեց շուրջ 45 մարզիկների Հայաստանի տարբեր մարզերից, այդ թվում Արցախից: Առաջնությունը ոչ միայն մրցակցություն էր, այլև հավասար հնարավորությունների, ոգեշնչման և հաղթանակների տոն:
Ստեփանակերտի Ք.Քոքսի անվան վերականգնողական կենտրոնի թիմը ավանդույթի համաձայն մրցույթում զբաղեցրեց առաջին տեղը, արժանանալով մրցանակների ու պատվոգրերի:
Հիշեցնենք որ 2010 թվականից սկսած պարօլիմպիկ մարզաձևի այս տեսակը Ստեփանակերտի Ք.Քոքսի անվան վերականգնողական կենտրոնի շնորհիվ ակտիվորեն զարգացվում էր Արցախում։ Ամեն տարի Ստեփանակերտի վերականգնողական կենտրոնի շահառուները ակտիվ մասնակցություն են ունեցել ինչպես Արցախում, այնպես էլ Հայաստանում անցկացվող բոչեյի մրցույթներին և մեկ անգամ չէ, որ արժանացել են մրցանակների։
Շնորհավորում ենք առաջնության մասնակիցներին և Ք.Քոքսի անվան վերականգնողական կենտրոնի թիմին հերթական փայլուն հաղթանակի կապակցությամբ, մաղթելով հետագա հաջողություններ:
Արսեն Աղաջանյան
