Էրդողանը երկուշաբթի օրը կբանակցի Թրամփի հետ

Ուրբաթ օրը Թուրքիայի նախագահ Ռեջեփ Թայիփ Էրդողանը հայտարարել է, որ կապի մեջ է Վլադիմիր Զելենսկու և Վլադիմիր Պուտինի հետ, և երկուշաբթի՝ հունվարի 5-ին, կբանակցի ԱՄՆ նախագահ Դոնալդ Թրամփի հետ, հաղորդում է CNN Türk-ը։

Ըստ Էրդողանի՝ Թրամփի հետ զրույցը կկենտրոնանա Ուկրաինայի պատերազմի վրա։ Նախագահները կքննարկեն նաև Պաղեստինի հարցը։

Թուրքիան և Իսրայելը համարվում են «տիրապետության հավակնորդներ» նոր Մերձավոր Արևելքում, որտեղ Իրանի ազդեցությունը զգալիորեն նվազել է։ Սիրիայում Էրդողանի ռեժիմի փոփոխությունից և Իսրայելի կողմից «Հեզբոլլահի» չեզոքացումից հետո միակ մնացած իրանամետ ուժը Եմենի հութիներն են, որոնք արդեն մի քանի ամիս է, ինչ չեն խանգարում ծովային նավարկությանը։

Թուրքիան և Իսրայելը երկուսն էլ հավակնում են Մերձավոր Արևելքին և գտնվում են լարված հակամարտության մեջ մի շարք հարցերում։ Մասնավորապես, Իսրայելը կտրականապես դեմ է թուրքական ուժերի ներկայությանը Գազայում, բայց աջակցում է ադրբեջանական զորքերի մասնակցությանը։

Այնուամենայնիվ, Թրամփը վերջերս հայտարարել է, որ Էրդողանի և Նեթանյահուի միջև տարաձայնություններ չկան, այդպիսով հստակեցնելով, որ ինքը չի մերժի Էրդողանին հանուն Նեթանյահուի, կամ հակառակը։

Բացի այդ, Ուկրաինան չի բացառել Թուրքիայի մասնակցությունը “խաղաղապահ” ուժերի կազմում Ռուսաստանի և Ուկրաինայի “նոր” սահմանին։