Մելանյա Թրամփը կգլխավորի ՄԱԿ-ի Անվտանգության խորհրդի նիստը
- 10:47 27.02.2026
ԱՄՆ-ի առաջին տիկին և Դոնալդ Թրամփի կինը՝ Մելանիան, առաջիկա օրերին կգլխավորի ՄԱԿ-ի Անվտանգության խորհրդի նիստը։ Դա տեղի կունենա մարտի 2-ին։ Այս մասին հայտարարել է ՄԱԿ-ում ԱՄՆ մշտական ներկայացուցիչ Մայք Վալցը X սոցիալական ցանցում։
Ինչպես հայտնի է, ՄԱԿ-ի Անվտանգության խորհրդի ռոտացիոն նախագահությունը շուտով կփոխանցվի Միացյալ Նահանգներին։ Սակայն սա առաջին դեպքը կլինի, երբ նիստը կգլխավորի գործող նախագահի կինը, չնայած այս նիստերը սովորաբար նախագահում են դեսպանը կամ ռոտացիոն երկրի կառավարության ավագ անդամը։
Առաջին տիկնոջ գրասենյակը X-ում պարզաբանել է, որ «տիկին Թրամփի ղեկավարությամբ… Խորհրդի անդամները կքննարկեն կրթության, տեխնոլոգիաների, խաղաղության և անվտանգության հարցեր»։