Ուկրաինայում վստահության վերջին վարկանիշը․ Զանուժնին առաջնորդ

Հրապարակվել են սոցիոլոգիական հետազոտության նոր արդյունքները, որոնք ցույց են տալիս, թե ում են այսօր ամենաշատը վստահում Ուկրաինայի քաղաքացիները Ռուսաստանի հետ շարունակվող պատերազմի պայմաններում: Հարցումը անցկացվել է Ipsos միջազգային հարցումների կենտրոնի կողմից։

Ուկրաինայի զինված ուժերի նախկին գլխավոր հրամանատար Վալերի Զալուժնին գլխավորել է վարկանիշային աղյուսակը՝ նրան վստահել է հարցվածների 63%-ը: Բռնցքամարտի աշխարհի անվիճելի չեմպիոն Ալեքսանդր Ուսիկը, զարմանալիորեն, զբաղեցրել է երկրորդ տեղը՝ 56%-ով: Ռազմական հետախուզության նախկին ղեկավար և նախագահի աշխատակազմի ներկայիս ղեկավար Կիրիլո Բուդանովը զբաղեցրել է երրորդ տեղը՝ 55%-ով: Նախագահ Վլադիմիր Զելենսկին զբաղեցրել է ընդամենը չորրորդ տեղը՝ 49%-ով: Հունվարի սկզբին Զելենսկիի վստահության մակարդակը կազմել է 59%: