ԱԱԾ պետ. ռուսներ չկան միայն անցակետերում, իսկ սահմանին իրենք են կանգնած
- 22:08 20.03.2026
«2026 թվականի սկզբից Ախուրիկի անցման կետում ծառայություն իրականացնում են միայն ԱԱԾ սահմանապահ զորքերի զինծառայողները»,- այսօր լրագրողներին ասաց ԱԱԾ տնօրեն Անդրանիկ Սիմոնյանը։
Հարցին, թե Ախուրիկում ռուս սահմանապահներ չկա՞ն, ԱԱԾ տնօրենը պատասխանեց․ «Խոսքն անցման կետի մասին է, անցման կետում՝ ոչ»։
Հարցին, թե ինչո՞ւ չի հանդիպում անհետ կորածների ծնողների հետ, ԱԱԾ տնօրենը պատասխանեց, թե հանդիպում է։ Իսկ թե վերջին անգամ երբ է հանդիպել, հարցին պատասխանեց․ «Վերջին անգամ չեմ հիշում, բայց բոլոր խմբերի հետ հանդիպել ենք։ Նաեւ այդ հանձնաժողովի աշխատանքային կանոնագրքում նախատեսված է, որ տարվա մեջ առնվազն երկու անգամ նիստ պետք է լինի, եւ դա պատշաճ իրականացվում է»։