Հայաստանը դեռ պատրաստ չէ Եվրամիությանն անդամակցելու գործընթաց սկսելուն․ ԱԳՆ
- 21:42 23.03.2026
Հայաստանը դեռևս պատրաստ չէ Եվրոպական միությանն անդամակցելու գործընթաց սկսել։ Այս մասին մարտի 23-ին Ազգային ժողովի եվրոպական ինտեգրման հարցերի մշտական հանձնաժողովի նիստում, Հայաստանի Հանրապետության կառավարության ծրագրի (2021-2026 թթ.) 2025 թվականի կատարման ընթացքի և արդյունքների մասին զեկույցի ներկայացման ժամանակ, հայտարարել է արտաքին գործերի նախարարի տեղակալ Վահան Կոստանյանը:
Նրա խոսքով՝ չնայած «ԵՄ-ին անդամակցելու գործընթացը սկսելու մասին» օրենքի ընդունմանը, ներկայումս աշխատանքը հիմնականում կենտրոնացած է տարբեր ծրագրերի և բարեփոխումների իրականացման վրա, որոնց արդյունքներով հանրապետությունը պետք է սկսի համապատասխանել Եվրոպական միության չափանիշներին: «Այն պահին, երբ երկիրը սկսի համապատասխանել եվրոպական չափանիշներին, տվյալ հարցի վերաբերյալ կկայացվի քաղաքական որոշում: Այս փուլում նման որոշում չկա», – նշել է Կոստանյանը: