Ջերմաստիճանը կնվազի Հայաստանում

Հիդրոօդերևութաբանության և մոնիթորինգի կենտրոնի տվյալներով՝ չորեքշաբթի օրը Հայաստանի ողջ տարածքում սպասվում է օդի ջերմաստիճանի անկում։

Նշվում է, որ մարտի 25-28-ը երկրի մեծ մասում սպասվում են տեղումներ՝ լեռներում՝ ձնախառն անձրև, նախալեռնային և հովտային շրջաններում՝ անձրև։

Կանխատեսման համաձայն՝ օդի ջերմաստիճանը կնվազի 2-4 աստիճանով։ Որոշ շրջաններում հնարավոր են քամու ուժեղ պոռթկումներ։

Այսպիսով, մարտի 25-ին Շիրակում և Գեղարքունիքում օդի ջերմաստիճանը կլինի +10°C, Կոտայքում՝ +12°C, Լոռիում՝ +11°C, Տավուշում՝ և Արագածոտնում +13°C, Արարատում, Արմավիրում և Վայոց Ձորում՝ +14°C, իսկ Սյունիքում՝ +16°C։

Մարտի 25-ին Երևանում հնարավոր է կարճատև անձրև։ Հայաստանի մայրաքաղաքում օդի ջերմաստիճանը կհասնի +13°C-ի։