Սպանվել է Իրանի ԻՀՊԿ հետախուզության ղեկավարը
- 15:35 06.04.2026
Իրանի Իսլամական հեղափոխության պահապանների կորպուսի հետախուզության ղեկավար Մաջիդ Խադեմին սպանվել է այսօր ԱՄՆ-ի և Իսրայելի կողմից իրականացված ավիահարվածների ժամանակ, հաստատել է իրանական բանակը։
Ըստ «Թասնիմ» լրատվական գործակալության՝ գեներալը գրեթե կես դար ծառայել է անվտանգության ուժերում և զգալի ներդրում է ունեցել Իրանի հետախուզական կազմակերպությունների զարգացման գործում։
Խադեմին ԻՀՊԿ հետախուզության ղեկավար է դարձել անցյալ ամռանը։ Նա փոխարինել է Մոհամմադ Քազեմիին, որը զոհվել էր Իսրայելի հետ 12-օրյա պատերազմում։