Հակաարցախյան ռիլը կեղծ է, Արհեստական բանականությունն է գեներացրել․ Տիգրան Գրիգորյան

Այսօր այս կարճ վիդեոն ստուգեցի նաև deepware.ai-ի մոջոցով, որը deep fake վիդեոները ստուգելու օգտակար գործիք է։ Ինչպես և ակնկալում էի՝ կասկածներս հաստատվեցին։ Ի դեպ, ստուգեցի ինչպես լինքը տեղադրելով, այնպես էլ վիդեոն վերբեռնելու միջոցով։ Այս ԱԲ վիդեոն գեներացվել է Avatarify մոդելի կիջոցով։

Հատկանշական է, որ Street-Talk Armenia տիկտոկյան էջը, որում տեղադրվել էր այս վիդեոն, ԱԲ կողմից գեներացված կեղծ vox pop-երի ռիլեր հրապապարկող էջ է, որտեղ հիմնականում գերակայում է հակաիշխանական կոնտենտը։ Փաստերի ստուգմամբ զբաղվող լրագրողները կարող են զբաղվել՝ https://www.tiktok.com/@streettalk_armenia?_r=1… ։

Ինչպես և կանխատեսում էինք՝ արցախցիների դեմ ատելության խոսքը՝ այդ թվում նաև ԱԲ կողմից գեներացված, գործիք է դարձել ներքաղաքական պայքարում։ Եվ այն հանգամանքը, որ մարդիկ հակված են հավատալ այսպիսի կեղծ կոնտենտին, առաջին հերթին իշխանությունների պատասխանատվությունն է, քանի որ նրանք, նրանց կողմից վերահսկվող լրատվամիջոցները նույնքան վտանգավոր, իսկ որոշ դեպքերում նույնիսկ ավելի այլանդակ քարոզչություն և ատելության խոսք են տարածում փախստականների դեմ։ Այս թեմայով մեր նոր զեկույցների շարքից առաջինը կհրապարապվի մոտակա օրերին։

Հ․Գ․ Ռիլը տեղադրում եմ մեկնաբանություններում՝ այս թեմաներում մասնագիտացած գործընկերները կարողանան օգտագործել։