Թրամփ. Հրաձիգը կապված չէ Իրանի հետ, բայց ես չեմ հրաժարվի Իրանում հաղթանակից
- 11:28 26.04.2026
ԱՄՆ նախագահ Դոնալդ Թրամփը հայտարարել է, որ Վաշինգտոնում իր մասնակցությամբ միջոցառման ժամանակ հրաձգությունն իրեն հետ չի պահի Իրանի դեմ պատերազմը հաղթելուց:
Մայրաքաղաքի «Վաշինգտոն հիլթոն» հյուրանոցում Սպիտակ տան թղթակիցների ասոցիացիայի ընդունելության ժամանակ գրանցված միջադեպից 40 րոպե հետո տված ասուլիսին Թրամփը միաժամանակ հավելել է, թե չի կարծում, որ հրաձգությունը որևէ կապ ունի Իրանի պատերազմի հետ։
Թրամփը չի կարող չնկատել Իրանի պատերազմից հետո ԱՄՆ-ում հասարակական կարծիքի փոփոխությունը. ավելի ու ավելի շատ մարդիկ մեղադրում են Թրամփին Իսրայելի որոշումներից և շահերից կախված լինելու և մուսուլմանական աշխարհը ամերիկացիների դեմ հանելու մեջ: Ամերիկացիները վախենում են ոչ միայն տնտեսական փլուզումից և գների բարձրացումից, այլև ահաբեկչական հարձակումների ալիքից: Հատկապես, որ իրանցի պաշտոնյաները նույնպես պնդում են, որ պատերազմը շուտով կտարածվի ԱՄՆ տարածքում: Ահա թե ինչու Թրամփը անմիջապես հերքեց կրակողի՝ Իրանի հետ որևէ կապ: