Ռուսաստանն ու ԱՄՆ-ն մրցում են, թե ում «վաստակն» է «աղդամի միջանցքը»
- 15:47 19.09.2023
Երկու երթուղիներով մարդասիրական բեռների առաքումը պետք է լինի Լեռնային Ղարաբաղ մարդասիրական անխափան մատակարարումների առաջին քայլը։ Այս մասին X-ի իր միկրոբլոգում գրել է Ֆրանսիայի արտգործնախարար Քեթրին Կոլոնան։
«Լաչինի և Աղդամի երթուղիներով երկու մարդասիրական մեքենա է ժամանել Ղարաբաղ։ Սա պետք է լինի առաջին քայլը դեպի մարդասիրական օգնության անվերապահ և անխոչընդոտ հասանելիություն՝ համաձայն միջազգային իրավունքի և Արդարադատության միջազգային դատարանի վճռի», – ասել է Քոլոնան։
Հիշեցնենք, որ ՌԴ ԱԳՆ-ն ընդունել է, որ «աղդամի երթուղին» օգտագործվել է Ռուսաստանի նախաձեռնությամբ։ «Ռուսական կողմը շարունակում է նպաստել Լեռնային Ղարաբաղում ստեղծված բարդ հումանիտար իրավիճակի հանգուցալուծմանը` հումանիտար փոխադրումների համար Լաչինի և Աղդամի երթուղիների զուգահեռ ապաշրջափակման վերաբերյալ ՌԴ ԱԳՆ Ս.Լավրովի նախաձեռնության հիման վրա»։ Այս մասին ասել է Մարիա Զախարովան։
Լավ ծրագիր է՝ մարդկանց սովամահ անել, ապա առաջարկել «հումանիտար խնդիրների լուծման համար միջանցքների զուգահեռ բացում»։
Իր հերթին, ԱՄՆ պետքարտուղար Էնթոնի Բլինկենը «ողջունում է մարդասիրական օգնության միաժամանակյա մատակարարումը Լաչինի միջանցքով և Աղդամի ճանապարհով դեպի Լեռնային Ղարաբաղ, մի մոտեցում, որը վերջերս քննարկվել է Ալիևի հետ: Այս մատակարարումները կարևոր քայլ են, և մենք խրախուսում ենք կողմերին սկսել ուղիղ բանակցություններ և կենտրոնանալ տարածաշրջանի բնակիչներին մարդասիրական հոսքի ավելացման վրա»,- ասված է հայտարարության մեջ։
Փաստորեն, Ռուսաստանն ասում է, որ «Ագդամի երթուղին» «Լավրովի պլանն է», իսկ Միացյալ Նահանգները պնդում է, որ դա «Ալիևի հետ զրույցի» արդյունք է։ Ֆրանսիան սառը ցնցուղով հիշեցնում է ՄԱԿ-ի դատարանի որոշումը.