Նորվեգիան էլ միացավ։ Ֆրանսիան առաջարկե՞լ է Հայաստանին իր միջուկային հովանոցը

Նորվեգիան միացել է Ֆրանսիայի միջուկային հովանոցից օգտվել ցանկացող երկրների շարքին։ Այս մասին չորեքշաբթի՝ մայիսի 27-ին, Փարիզ կատարած այցի ժամանակ հայտարարել է Նորվեգիայի վարչապետ Յոնաս Գահր Շտյորեն։ Նա Ֆրանսիայի նախագահ Էմանուել Մակրոնի հետ ստորագրել է պաշտպանական համագործակցության համաձայնագիր, որը, ի թիվս այլ բաների, ներառում է փոխադարձ օգնության մասին կետ հարձակման դեպքում, հաղորդում է Reuters-ը։

Շտյորեն Օսլոյի որոշումը պայմանավորել է Ռուսաստանի լայնածավալ վերազինմամբ, այդ թվում՝ միջուկային ոլորտում, ինչպես նաև Ռուսաստանի կողմից Ուկրաինայի դեմ շարունակվող պատերազմով։ Սակայն, ըստ Նորվեգիայի վարչապետի, խաղաղ ժամանակ Նորվեգիայի տարածքում միջուկային զենք չի տեղակայվի։

2025 թվականի մարտին Էմանուել Մակրոնը առաջարկեց իր միջուկային հովանոցի ընդլայնումը դեպի այլ եվրոպական երկրներ։ Լեհաստանը, Լիտվան, Նիդեռլանդները, Բելգիան, Դանիան և Գերմանիան, ի թիվս այլոց, միացան ֆրանսիական նախաձեռնությանը։

Մեծ Բրիտանիայի՝ ԵՄ-ից դուրս գալուց հետո 2020 թվականին Ֆրանսիան մնում է Եվրամիության միակ միջուկային տերությունը։ Ստոկհոլմի միջազգային խաղաղության հետազոտությունների ինստիտուտի տվյալներով՝ Ֆրանսիան տիրապետում է աշխարհի մոտ 12,200 միջուկային մարտագլխիկներից 290-ին, ինչը այն դարձնում է չորրորդ խոշորագույն միջուկային տերությունը՝ Ռուսաստանից, ԱՄՆ-ից և Չինաստանից հետո։

Արդյո՞ք Ֆրանսիան հրավիրել է Հայաստանին միանալ իր միջուկային հովանոցի։ Մասնագետները նշում են, որ երկրում մի քանի Rafale ուղղաթիռների և անհրաժեշտ սարքավորումների առկայությունը բավարար է դրա համար։