Մոսկվան ստիպում է Հայաստանին երդվել ԵՏՄ-ին հավերժ հավատարմություն մեջ

Նիկոլ Փաշինյանը հայտարարել է՝ քանի դեռ «Հայաստանը պաշտոնապես չի դիմել Եվրամիությանն անդամագրվելու համար կամ Եվրամիության անդամության թեկնածուի կարգավիճակին շատ մոտ չէ, որևէ հանրաքվե անելն անտրամաբանական է»:

Վարչապետն ի պատասխան այսօր հայտարարեց. «Եվրասիական տնտեսական միության մեջ մենք աշխատում ենք և շարունակելու ենք աշխատել մինչև այն պահը, երբ այլևս ընտրություն կատարելը Եվրամիության և Եվրասիական տնտեսական միության միջև կլինի անխուսափելի, իսկ որոշումը, բնականաբար, պետք է կայացնի Հայաստանի Հանրապետության ժողովուրդը՝ հանրաքվեով»:

Իսկ թե երբ տեղի կունենա այդ հանրաքվեն, վարչապետն ասաց. «Մինչև այն պահը, երբ Հայաստանը պաշտոնապես չի դիմել Եվրամիությանը անդամագրվելու համար կամ Եվրամիության անդամության թեկնածուի կարգավիճակին շատ մոտ չէ, որևէ հանրաքվե անելը անտրամաբանական է: Ինչու, որովհետև հիմնավորում չկա, բալանսը ձևավորված չի, որ մենք ժողովրդին կարողանանք ընտրություն ներկայացնել՝ այս ճանապարհով գնալ, թե մյուս: Այսօր այդ ընտրությունը տեսական է և տեսական ընտրությունը հանաքվեի դնելն այնքան էլ խելամիտ և ճիշտ չէ և հիմնավորված չէ»:

Նիկոլ Փաշինյանն ընդգծեց, որ այսպիսով՝ կշարունակեն աշխատել Եվրասիական տնտեսական միությունում.

«Հետևաբար, մենք կշարունակենք հանգիստ, հանդարտ, առանց նյարդի, առանց վիճաբանությունների աշխատել Եվրասիական տնտեսական միությունում, և ես համոզված եմ, որ մենք այս ուղղությամբ դեռ պոտենցիալ ունենք, որն առաջիկայում կօգտագործենք»,- հայտարարեց վարչապետը:

Պուտինի դեմարշը Հայաստանի դեմ, ըստ էության, նպատակ ունի Հայաստանի իշխանություններից երաշխիքներ կորզել Ռուսաստանին և ԵԱՏՄ-ին անսասան հավատարմության մասին: Հայաստանը մտադիր չէ անդամակցել ԵՄ-ին, սա հարյուր անգամ հայտարարվել է, բայց Մոսկվային անհրաժեշտ են «երկաթե երաշխիքներ», և նա դրանք ստացել է: Փաշինյանն այսօր ԵՄ-ին անդամակցությունը անվանել է «տեսական» հարց, որը նույնիսկ լուրջ չի քննարկվում: