Եվրամիությունը պաշտոնական բանակցություններ է սկսում Ուկրաինայի և Մոլդովայի հետ անդամակցության վերաբերյալ

Եվրամիությունը հունիսի 15-ին կսկսի Ուկրաինայի և Մոլդովայի հետ անդամակցության պաշտոնական բանակցություններ: «Բոլոր անդամ պետությունները համաձայնել են բացել Ուկրաինայի և Մոլդովայի հետ անդամակցության բանակցությունների առաջին բլոկը», – հայտարարեցին Եվրահանձնաժողովի նախագահ Ուրսուլա ֆոն դեր Լեյենը և Եվրոպական խորհրդի նախագահ Անտոնիո Կոստան ուրբաթ՝ հունիսի 12-ի երեկոյան։

Իր հերթին, Կիպրոսի պատվիրակությունը, որը ստանձնում է ԵՄ Խորհրդի ռոտացիոն նախագահությունը, հայտարարել է, որ Հունգարիայի վետոյի վերացումից հետո ԵՄ երկրները համաձայնության են եկել առաջին բանակցային խմբի վերաբերյալ ընդհանուր դիրքորոշման շուրջ, այդպիսով ավարտելով անհրաժեշտ նախապատրաստական ​​գործընթացը: Ընդհանուր առմամբ, բանակցությունները նախատեսված են վեց բլոկերով, որոնք ընդգրկում են տասնյակ գլուխներ: Բանակցությունների ավարտից հետո նոր երկրների անդամակցությունը ԵՄ-ին պետք է հաստատվի և վավերացվի բոլոր 27 անդամ պետությունների կողմից։

Պաշտոնապես Ուկրաինայի և Մոլդովայի անդամակցության բանակցությունները մեկնարկել են 2024 թվականի հունիսին, սակայն արգելափակվում էր Վենգրիայի կողմից: