Շվեյցարիայում հաջողությամբ ավարտվել են արևային երկաթուղու փորձարկումները
- 15:50 05.07.2026
Շվեյցարիայում հաջողությամբ ավարտվել են «արևային երկաթուղու» փորձարկումները: Sun-Ways ստարտափը առաջարկում է գնացքները սնուցել ռելսերի միջև անմիջապես գծերի վրա տեղադրված հատուկ արևային վահանակներով: Սեպտեմբերին այս վահանակները տեղադրվել են Շվեյցարիայի Բյուտս քաղաքի մոտ գտնվող 100 մետր երկարությամբ երկաթուղու հատվածում: Euronews-ի փոխանցմամբ՝ փորձը նախատեսված էր երեք տարի տևել, սակայն դրա արդյունքներն արդեն այնքան խրախուսական են համարվել, որ տարածաշրջանային իշխանությունները քննարկում են համակարգը մշտական հիմունքներով տեղադրելու հնարավորությունը:
Sun-Ways-ը արդեն համագործակցության համաձայնագիր է ստորագրել իտալական մի ընկերության հետ, որը համագործակցում է երկաթուղային ենթակառուցվածքների ազգային օպերատոր Rete Ferroviaria Italiana-ի հետ: Ստարտափը նաև ստացել է կառավարության թույլտվությունը՝ Հարավային Կորեայի երկաթուղային գծերի վրա արևային վահանակներ տեղադրելու համար և բանակցություններ է վարում Նիդեռլանդների, Չինաստանի, Հնդկաստանի և Սինգապուրի ընկերությունների հետ: