Ծրագիր մարզաբնակ և արցախցի կանանց համար․ «Հոդված 3» ակումբ
- 23:13 02.08.2026
«Հանուն հավասար իրավունքների» կրթական կենտրոն ՀԿ-ն մեկնարկում է «Հոդված 3․ կանանց առաջնորդության ակադեմիա» կրթական ծրագիրը։
Ծրագրի նպատակն է կանանց կարողությունների զարգացումն ու ինքնազինումը՝ տրամադրելով կրթական և մասնագիտական նոր գիտելիքներ և հմտություններ։
Ծրագիրն անվճար է, մասնակիցներն ընտրվելու են մրցութային կարգով․
18-40 տարեկան մարզաբնակ կանայք
18-40 տարեկան արցախցի կանայք
«Հոդված 3․ կանանց առաջնորդության ակադեմիա» կրթական ծրագրի 5-շաբաթյա ակադեմիայի ընթացքում մասնակիցները ձեռք կբերեն տեսական գիտելիքներ և գործնական հմտություններ հետևյալ թեմաների շուրջ՝
Քաղաքացիական ներգրավվածություն և ջատագովությունՖինանսական գրագիտությունՄարդու իրավունքներՄեդիագրագիտություն և թվային իրավունքներԱրհեստական բանականություն (ԱԲ)ՁեռնարկատիրությունՀամայնքային ծրագրերի մշակում և իրականացումԾրագրի մեկնարկը տրվելու է 2026 թվականի օգոստոսի 15-ին։
Ծրագրին միանալու համար անհրաժեշտ է լրացնել կից հայտադիմումը` մինչև օգոստոսի 5-ը` https://forms.gle/XNkSnc3LBW3DTGyB8։
Հաջորդ փուլ անցած մասնակիցները կստանան հաստատող նամակ։
«Հոդված 3․ Կանանց առաջնորդության ակադեմիա» ծրագիրն իրականացվում է ԵՄ կողմից ֆինանսավորվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Ժողովրդավարության զարգացման հիմնադրամի (ԺԶՀ), «Մարդը կարիքի մեջ» ՀԿ_ի և «Բուն» գիտամշակութային հիմնադրամի կողմից: Այն նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում: