Արհեստական ինտելեկտի գործադիր տնօրենները կոչ են անում ՄԱԿ-ին վերահսկել տեխնոլոգիան
- 09:36 24.09.2026
DW
Արհեստական բանականությունը (ԱԲ) «կարող է սպառնալիք ներկայացնել ողջ մարդկության համար»՝ առանց համապատասխան գործողությունների: Այս նախազգուշացումը հրապարակվել է ԱԲ-ի խոշորագույն ընկերությունների ղեկավարների կողմից ՄԱԿ-ի Անվտանգության խորհրդի առջև չորեքշաբթի՝ սեպտեմբերի 23-ին։
«Այս պահին անհրաժեշտ է ծայրահեղ զգուշություն», – ասել է OpenAI-ի գործադիր տնօրեն Սեմ Ալտմանը Նյու Յորքում՝ Խորհրդի արտակարգ նիստում։
Նա զգուշացրել է, որ համակարգերը կարող են զարգանալ ավելի արագ, քան հաստատությունները կամ հանգեցնել իշխանության կենտրոնացման չափազանց նեղ շրջանակի մարդկանց ձեռքերում։
OpenAI-ի գործադիր տնօրենը նաև կոչ է արել կառավարություններին համագործակցել միմյանց և արդյունաբերության ներկայացուցիչների հետ՝ տեխնոլոգիական ապագան ձևավորող որոշումներ կայացնելիս։
Anthropic-ի գործադիր տնօրեն Դարիո Ամոդեյը, իր հերթին, ընդգծել է «ավելի խիստ անվտանգության չափանիշների» անհրաժեշտությունը: «Մենք կդանդաղեցնենք զարգացման տեմպը այնքան, որքան անհրաժեշտ է, որպեսզի ապահովենք, որ մեր կողմից թողարկվող յուրաքանչյուր հաջորդ ԱԲ տեխնոլոգիա իսկապես անվտանգ լինի», – պնդել է նա: «Ես նույնիսկ կարծում եմ, որ եթե պատշաճ կերպով դա չկառավարվի, ԱԲ-ն կարող է սպառնալիք ներկայացնել ողջ մարդկության համար», – հայտարարել է Anthropic-ի գործադիր տնօրենը։
Իր հերթին, Hugging Face-ի գործադիր տնօրեն Կլեման Դելանժը, որը վերջերս OpenAI ինքնավար ծրագրային ապահովման կողմից կիբերհարձակման թիրախ էր դարձել, նշել է, որ իր ընկերությունը նույնպես օգտագործել է այս տեխնոլոգիան հարձակումներին հակազդելու համար: «Աշխարհն իրեն պաշտպանելու համար ավելի քան երբևէ կարիք ունի բաց կոդով արհեստական բանականության», – ընդգծել է Դելանժը։
Սեպտեմբերի 19-ին Թրամփը հայտարարել է հատուկ կառույցի՝ «արհեստական բանականության ուժի» ստեղծման մասին, որը կկենտրոնանա դրա զարգացման վրա։
«Արհեստական բանականությունը հաջորդ արդյունաբերական հեղափոխությունն է կամ ինտերնետը, բայց դրա ազդեցությունն ավելի մեծ կլինի: Այն կարող է կազմել մեր երկրի ՀՆԱ-ի մինչև 25%-ը», – հավելել է Սպիտակ տան ղեկավարը՝ ընդգծելով իր ցանկությունը, որ Միացյալ Նահանգները շարունակի առաջ անցնել Չինաստանից այս ոլորտում։