Երկու լուր Բաքվի և Անկարայի հակասությունների մասին

Էրդողանը սեպտեմբերի 27-ին հանդես է եկել հայտարարությամբ և Ադրբեջանն անվանել է «բարեկամ և եղբայրական երկիր», հարգելով Արցախի օկուպացման համար զոհված ադրբեջանցի զինծառայողների հիշատակը։ Էրդողանը նաև հայտարարել է. «Ղարաբաղը Ադրբեջանի հողն է և ընդմիշտ այդպիսին կմնա»։

Էրդողանի հայտարարությունը հնչեց այն բանից հետո, երբ Ադրբեջանի խորհրդարանը պաշտոնապես մեղադրեց Թուրքիային Բաքվի դեմ հիբրիդային հարձակում իրականացնելու մեջ, որը, ենթադրաբար, թիրախավորում էր Թուրքիայի և Ադրբեջանի միջև բարեկամությունը։

Ալիևը 2020 թվականին Իսրայելի և Թուրքիայի օգնությամբ օկուպացրեց Արցախի մեծ մասը, այդ թվում՝ Իրանին սահմանակից տարածքները, իսկ 2023-ին էթնիկ զտում իրականացրեց և հայաթափեց ամբողջ Արցախը։ Հենց Արցախը դատարկվեց, Իսրայելը՝ Համասի հարձակումից հետո, դաժան պատերազմ սկսեց Պաղեստինում։

Իսկ 2025-ից սկսած և մինչ օրս շարունակվող Իրանի դեմ ԱՄՆ-Իսրայել պատերազմից հետո Ալիևը շատ դժվարին վիճակում հայտնվեց։ Ըստ “տրամաբանության”, այն պետք է Արցախի օկուպացված տարածքներից “երկրորդ ճակատ” բացեր Իրանի դեմ, եթե հաջողվեր տապալել իշխանությունը Թեհրանում։ Սակայն Իրանը դիմացավ, և խաղից դուրս հայտնվեց Իսրայելը։ Այդ ֆոնին Մերձավոր Արևելքում գերիշխանության համար Էրդողանի և Նեթանյահուի միջև պայքարը վերածվեց անհաշտ մրցակցության, և Ալիևը հայտնվեց երեք կրակի արանքում։

Ադրբեջանական պատվիրակությունը մնացել է դահլիճում Նեթանյահուի ՄԱԿ-ում ելույթի ժամանակ՝ դժգոհության ալիք առաջացնելով թուրքական շրջանակներում։ «Հավանաբար սա է, որ վրդովեցնում է Ադրբեջանին, որը տառապում է «ալբանացումից», – գրել է ադրբեջանագետ Տաթևիկ Հայրապետյանը։

Միլլի Մեջլիսի արտաքին միջամտության և հիբրիդային սպառնալիքների դեմ պայքարի հանձնաժողովը ուսումնասիրել է վերջին օրերին Թուրքիայի կողմից Ադրբեջանի դեմ իրականացված տեղեկատվական արշավը, ասվում է Բաքվի հայտարարույան մեջ։