Հոկտեմբերի 1-ից Արցախի պետաշխատողները աշխատավարձ չեն ստանա
- 16:42 09.10.2023
Արցախի բնակչության շուրջ 70%-ը պետական սեկտորի աշխատողներ էին։
Տեղահանվելուց հետո արցախցիների մեծ մասը բնակարաններ վարձեցին, տեղեկություն ունենալով, որ պետաշխատողների աշխատավարձը կպահպանվի մինչև հունվարի 1-ը, և հնարավոր կլինի վճարել բնակվարձը։
Այսօր պարզ դարձավ, որ հոկտեմբերի 1-ից բոլոր պետաշխատողները պաշտոնապես ազատվեցին աշխատանքից և չեն ստանա աշխատավարձ։
Պետության կողմից, բացի 100.000-ական դրամների միանվագ օգնությունից եւ բնակվարձերի փոխհատումից, գումարային որեւէ այլ ծրագիր չկա։
Թե ինչպես պետք է մարդիկ վճարեն բնակարանների առանց այդ էլ բարձր վարձը, անհայտ է։