Ինչու Սամվել Շահրամանյանը հենց ինքը չեղյալ չանի իր հրամանագիրը
- 18:47 16.10.2023
Հիմնավոր մեկնաբանություններ կան, որ Արցախի Հանրապետության լուծարման վերաբերյալ Արցախի նախագահ Սամվել Շահրամանյանի հրամանագիրն անօրինական է, հակասում է ԼՂՀ սահմանադրությանը։ Խոսակցություններ կան նաեւ այն մասին, որ Արցախի ԱԺ պատգամավորները կարող են նիստ անել եւ չեղյալ անել այդ հրամանագիրը։
Բոլորը գիտեն, որ հրամանագիրը ստորագրվել է սպառնալիքների տակ։ Մյուս կողմից, խոսակցություններ կան, որ ռուսապատկան «ընդդիմությունը» փորձում է կանխել նման նիստի անցկացումը, պատճառաբանելով, որ Արցախի նախկին եւ ներկա ղեկավարները Բաքվի կողմից պատանդ են վերցվել՝ նման քայլից Արցախի գործող ղեկավարությանը հետ պահելու համար։
Իր հերթին, Փաշինյան-ՔՊ-ն է փորձում թույլ չտալ նման բան, «պատճառաբանելով», թե դա նոր պատերազմի կհանգեցնի, ինչպես եղավ Արցախում «իշխանափոխությունից» հետո։ Արցախի նախկին ու ներկա ղեկավարներին ռուսները Բաքվին են հանձնել Փաշինյանի պահանջով, ինչի մասին խոստովանեց անձամբ Պուտինը։ Ահա ներքին կոնսենսուսի եւս մեկ վկայություն։
Արցախցի գործիչները հարց են տալիս՝ իսկ ինչու հենց ինքը՝ Սամվել Շահրամանյանը չեղյալ չհայտարարի իր հրամանագիրը՝ այդպիսով իր վրայից մաքրելով Արցախի ոչնչացման ծրագրի «օրինականացման» խարանը։
Lragir