Արցախյան հասարակությունը պետնախարարից պարզաբանում է պահանջում կենսաթոշակների և նպաստների վերաբերյալ
- 16:50 23.10.2023
«GEN» ՀԿ նախաձեռնող կենտրոնը բաց նամակ է տարածել Արցախի Հանրապետության պետական նախարար Արթուր Հարությունյանին՝ պարզաբանում պահանջելով։
Ինչո՞ւ տասնյակ հազարավոր քաղաքացիներ չեն ստացել իրենց հասանելիք կենսաթոշակները (այդ թվում՝ զինվորականները), նպաստները և այլ վճարումները։ Ե՞րբ են նախատեսվում կատարել այդ վճարումները: Նամակի տեքստում նշվում է, որ բազմաթիվ ահազանգեր ու բողոքներ ենք ստանում՝ կապված սեպտեմբեր ամսվա վճարումների ուշացման, չվճարումների հետ, ինչի հետևանքով հազարավոր քաղաքացիներ բախվում են խնդիրների։
Կենտրոնի հիմնադիր և ղեկավար Արմինե Ավագիմյանի խոսքով, չվճարումների պատճառով հազարավոր քաղաքացիներ բախվել են սոցիալական լուրջ խնդիրների, և կառավարությունը պարտավոր է հանրությանը բացատրել պատճառները, ինչպես նաև կատարել իր անմիջական պարտականությունները։
Օրենքի համաձայն՝ պատասխանը պետք է ստացվի 10 աշխատանքային օրվա ընթացքում։