Արցախի գանձապետական հաշիվներում եղած 3,1 միլիարդ դրամը ամբողջությամբ ուղղվել է աշխատավարձերի վճարմանը
- 16:49 01.11.2023
Սոցիալական ցանցերում տարածվող տեղեկությունը, թե իբր կառավարության գանձապետական հաշիվներից «Արցախբանկ» ՓԲԸ-ն պարտքի դիմաց գումար է առգրավվել, իրականությանը չի համապատասխանում։ Այս մասին հայտարարություն է տարածել Արցախի Հանրապետության ֆինանսների նախարարությունը:
«Հարկ ենք համարում նշել, որ Արցախի Հանրապետության կառավարության գանձապետական հաշիվներում եղած 3,1 միլիարդ դրամը սեպտեմբեր ամսվա աշխատավարձային ֆոնդի (3,6 միլիարդ դրամ) համամասնությամբ ամբողջությամբ ուղղվել է աշխատավարձերի վճարմանը», ասված է հայտարարության մեջ: