Ուղիղ 1 տարի անց Ստեփանակերտի “Sanremo”-ն վերաբացվեց Երևանում
- 22:14 10.11.2023
Ուղիղ 1 տարի առաջ Ստեփանակերտում բացվել էր “Sanremo” ռեստորանը, որն այսօր վերաբացվեց Երևանի Սարյան 2 հասցեյով։
Արամը` ռեստորանի տերը խոստովանում է, որ ուրիշ ընտրություն չուներ, և այս գործը միակն է, որը իրեն դուր է գալիս, հաճույք է պատճառում, և որի մեջ նա իրեն տեսնում է, այդ իսկ պատճառով էլ Երևան ժամանած առաջին իսկ օրվանից մտածում էր Սանռեմոն վերաբացելու մասին և աշխատում այդ ուղղությամբ։
«Կամ պետք է վերաբացեի ռեստորանը, կամ մնայի անգործ»,- ասում է Արամը։
Սարյանի վրա գտնվող բազմաթիվ ռեստորանների մեջ «Սանռեմոն» աչքի է ընկնում իր բառով։ Արամը, ով որպես բարմեն աշխատել և սովորել է Սանկտ-Պետերբուրգում, ասում է, որ պետերբուրգյան բառային ոգին բերել է Երևան, և դա լինելու է իր ռեստորանի այցեքարտը։
Ստեփանակերտի «Սանռեմոյից» ոչ մի բան իր հետ չի բերել։ Ամեն ինչ մաքուր, լվացված և իրենց տեղերում թողել է այնտեղ՝ հավատալով, որ մի օր կվերադառնա։
Հայկ Հարությունյան
