ՀՀ նախագահին «ղարաբաղյան» մրցակից պետք չէ, հազիվ ազատվել ենք «կլանից»
- 13:42 28.11.2023
Արցախի պետական ինստիտուտները գործում են, որ ի՞նչ անեն. լրագրողների հետ զրույցում հայտարարել է Նիկոլին կից նախագահ Վահագն Խաչատուրյանը՝ պատասխանելով այն հարցին, թե ինչպես է վերաբերվում ԱՀ պետական ինստիտուտների գործունեությունը շարունակելուն, հայտնում են զլմ-ները։
«ՀՀ կա և ՀՀ պետական ինստիտուտները գործում են, և ի՞նչ ֆունկցիա պետք է իրականացնեն»,-հարցրեց նա։ Դիտարկմանը, թե պետք է պաշտպանեն արցախահայության իրավունքները՝ նախագահն արձագանքեց, որ արցախահայության իրավունքները ՀՀ-ն պաշտպանում է։ Իսկ հարցին, թե նրանց Արցախ վերադարձի համար ի՞նչ քայլեր է անում ՀՀ-ն՝ Խաչատուրյանն ասաց, որ քննարկումների մեջ է։
Ի պատասխան հարցի, թե Արցախը Ադրբեջանի մաս ճանաչելուց հետո ինչպե՞ս է քայլեր ձեռնարկելու՝ Վահագն Խաչատուրյանը հայտարարեց, որ Հայաստանը Արցախը Ադրբեջանի մաս ճանաչել է դեռ 1991 թվականին: Հարցին, թե այդ դեպքում ինչու Ալիեւը չէր վերցնում Արցախը այս 30 տարիների ընթացքում, ՀՀ նախագահն արձագանքեց. «Թող վերցներ, երեւի չէր կարողանում», հայտնում են զլմ-ները: