Եթե արցախցիները ՀՀ քաղաքացիություն ընդունեն, 6 ամիս չեն զրկվի աջակցության ծրագրերից
- 18:31 06.12.2023
ԱԺ պատգամավոր Զեմֆիրա Միրզոեւան կառավարության հետ հարց ու պատասխանի ժամանակ անդրադարձավ արցախցիների խնդիրներին։ Նրա խոսքով՝ կան ահազանգեր, որ անձնագրային բաժանմունքներում արցախցիներին հայտնում են, որ Հայաստանի քաղաքացիություն ստանալու դեպքում կզրկվեն բազմաթիվ աջակցության ծրագրերից։
Աշխատանքի եւ սոցիալական հարցերի նախարար Նարեկ Մկրտչյանը հերքեց այդ տեղեկությունները։ Նա նշեց, որ սեպտեմբերի 19-ից հետո Հայաստան տեղափոխված, նաեւ շրջափակման ժամանակ Հայաստանում գտնված արցախցիները վեց ամիս ժամկետով կշարունակեն օգտվել աջակցության ծրագրերից նաեւ Հայաստանի քաղաքացիություն ստանալու դեպքում։ «Մեր աջակցության ծրագրերում սահմանափակում չկա դրված, եթե դու դառնում ես ՀՀ քաղաքացի»,- հավելեց նախարարը։