Արցախցիներին միջոցնե՞ր կտրամադրվեն բնակարան ձեռք բերելու համար. նոր ծրագիր
- 21:36 12.12.2023
Հայաստանի կառավարությունը քննարկում է Արցախից բռնի տեղահանվածներին անշարժ գույք ձեռք բերելու նպատակով ֆինանսական աջակցության ծրագիր իրականացնելու հնարավորությունը։
Մասնավորապես, ըստ մեր աղբյուրի, սկզբում յուրաքանչյուր փախստականին առաջարկվել էր 3 մլն դրամ, սակայն գումարը չի հաստատվել, ուստի այժմ դիտարկվում է 5 մլն դրամի չափը։
«Այս գումարը նույնպես վերջնական չէ։ Քննարկումներն ու ծրագրի մանրամասների մշակումը շարունակվում են։ Ո՞վ է լինելու ծրագրի շահառուն և ի՞նչ պայմաններով, ի՞նչ պայմաններ են պարտադրվելու ներքին տեղահանվածներին, արդյո՞ք ծրագիրը կլինի աստիճանական, և արդյոք սա վերաբերում է երեխաներին։ Ծրագրի մեկնարկի ամսաթիվը նույնպես որոշված չէ։ Կարծում եմ՝ մոտ ապագայում իշխանությունները պաշտոնական հայտարարություն կանեն և կներկայացնեն բոլոր մանրամասները»,- ասել է կառավարության աղբյուրը։
Նկատենք, որ շարքային արցախցիների մեծամասնության համար բնակարանի հարցը մնում է հիմնական խնդիրը, և հաշվի առնելով Հայաստանի անշարժ գույքի շուկայում գները՝ շատերը չեն էլ երազում տուն գնելու մասին։ Եվ ամեն ընտանիք չէ, որ կարող է վճարել վարձակալած բնակարանների համար առանց պետական աջակցության: