Ժամանակակից պոպուլիստ դիկտատորները հաճախ են ստանձնում spin doctor-ների գործառույթները
- 12:32 20.12.2023
Դեկտեմբերի 19-ին Opera Suit Hotel-ում տեղի ունեցավ «Ինչպես չխաբվել խաբելապետությունում. մեդիաիմունիտետ» թեմայով քննարկումը, որի թիրախային լսարանը արցախցիներն էին։ Բանախոսը ռազմական փորձագետ Կարեն Վրթանեսյանն էր։
Մեդիայի նոր տեխնոլոգիաներին տիրապետող, սեփական իշխանությունը հիմնականում խաբեության վրա կառուցող պոպուլիստ բռնապետներին ամերիկացի քաղաքագետ Դենիել Թրեյսմանն ու Ռուսաստանից գաղթած տնտեսագետ-քաղաքագետ-հասարակական գործիչ Սերգեյ Գուրիևն իրենց գրքում անվանում են spin dictators: Ամերիկյան ժարգոնում «spin doctors» են անվանում քարոզչության, PR-ի այն մասնագետներին, որոնք զբաղված են հասարակությանը այս կամ այն խնդրից շեղելով, քաղաքական կամ բիզնես ոլորտներում քարոզչական աղետների չեզոքացմամբ, նախընտրական մանիպուլյացիաներով՝ այսինքն հանրությանը մոլորեցնելով:
Ժամանակակից պոպուլիստ դիկտատորները հաճախ նաև անձամբ են ստանձնում spin doctor-ների գործառույթները։
Հանդիպմանը քննարկվել են խաբելապետության կեղծ օրակարգերին, քարոզչությանը, ապատեղեկատվությանը, քաոտիկ հոսքերին դիմադրելու բանաձևերը։