Իսրայելը փորձում է Լիբանանը ներառել պատերազմական գոտում. սպանվել է ՀԱՄԱՍ-ի առաջնորդներից մեկը

Պայթյուն է տեղի ունեցել Բեյրութի հարավային արվարձանում, հաղորդում են Sky News Arabia-ն և Mehr-ը սոցիալական ցանցերում: Դահիյա արվարձանը վերահսկվում է լիբանանյան «Հեզբոլլահ» խմբավորման կողմից:

Լիբանանյան NNA գործակալությունը հայտնել է, որ պայթեցրել են ՀԱՄԱՍ-ի գրասենյակը, ինչի հետևանքով զոհվել է չորս մարդ։

Reuters-ը, հղում անելով աղբյուրներին, հայտնում է նաև, որ Բեյրութի արվարձաններից մեկում պայթյունի հետևանքով պաղեստինցի բարձրաստիճան պաշտոնյա է զոհվել։

Al Arabiya-ն հայտնում է, որ պայթյունի հետևանքով զոհվել են ՀԱՄԱՍ-ի քաղբյուրոյի փոխղեկավար Սալեհ ալ Արուրին և նրա երկու համախոհները։ Հեռուստաալիքի տվյալներով՝ նա սպանվել է իսրայելական անօդաչու թռչող սարքի հարվածից «Հեզբոլլահի» հենակետում։ ՀԱՄԱՍ-ը հաստատել է ալ-Աուրուրիի մահը։

Այս միջադեպը կարող է հանգեցնել պատերազմի ընդլայնմանը դեպի Լիբանանի տարածք, ինչի անթույլատրելիության մասին շատ քաղաքական գործիչներ և վերլուծաբաններ զգուշացրել են Իսրայելին: Լիբանանի ներքաշումը պատերազմին կարող է փոխել Մերձավոր Արևելքի ողջ քաղաքական դաշտը: